Da’vo arizasining shakli va uni rasmiylashtirish

6-Mavzu. Fuqarolik-protsessual hujjatlar va ularning til xususiyatlari. Da’vo arizasining shakli va uni rasmiylashtirish qoidalari. Apellatsiya va kassatsiya shikoyati (protesti) ning tarkibiy tuzilishi va til xususiyatlari


Reja:

1. 
   Fuqarolik-protsessual hujjatlar haqida ma`lumot
   
2. 
   Da’vo arizasining shakli va uni rasmiylashtirish qoidalari.
   
3. 
   Apellatsiya shikoyatining tarkibiy tuzilishi
   
4. 
   Kassatsiya shikoyati (protesti) ning mazmuni
   

1. Fuqarolik-protsessual hujjatlar haqida ma`lumot
Jamiyat hayotining taraqqiyoti va ijtimoiy munosabatlarning takomillashuvi natijasida fuqarolik ishlari bo‘yicha qator hujjat namunalari vujudga keldi. Masalan, da’vo tartibidagi ishlar, buyruq tartibidagi ishlar, alohida tartibda yuritiladigan ishlar, hakamlik sudining hal qiluv qarori bilan bog‘liq ishlar, chet davlat sudlarining hal qiluv qarorlarini tan olish va ijroga qaratish bilan bog‘liq ishlar bo‘yicha rasmiylashtiriladigan protsessual hujjatlar shular jumlasidandir.
O‘zbekiston Respublikasining Fuqarolik protsessual kodeksi, Fuqarolik kodeksi, Mehnat kodeksi, Oila kodeksi, Uy-joy kodeksi, Ma’muriy javobgarlik to‘g‘risidagi kodeksi, shuningdek, O‘zbekiston Respublikasi Oliy Sudi Plenumi qarorlari ham fuqarolik sudlari tomonidan chiqariladigan protsessual hujjatlarni rasmiylashtirish uchun asos bo‘lib xizmat qiladi.
Fuqarolik-protsessual hujjat turlari


1. Fuqarolik ishlarini qo‘zg‘atish bosqichida yuritiladigan protsеssual hujjatlar (ariza, da‘vo ariza, arizani qabul qilish, аrizani qaytarish, аrizani ish yuritishga qabul qilishni rad qilish, fuqarolik ishini qo‘zg‘atish haqidagi ajrimlar va boshq.)
2. Ishni sudda ko‘rishga tayyorlash jarayonida yuritiladigan protsеssual hujjatlar (ishni sudda ko‘rishga tayyorlash, kelishuv bitimini tasdiqlash haqidagi ajrimlar va boshq.)