Давлатчилик тарихи. Маъруза матни 3-курс 1-Мавзу. Сўнги ўрта асрларда Ўзбек хонликлари

2.Ўзбекистонда 1998-2016 йилларда бунёд этилган ўрта махсус,
касб-ҳунар таълими муассасалари:

Академик лицей – 143 та;

Касб-ҳунар коллежи – 1412 та;
Касб-ҳунар коллежининг филиаллари – 28 та.

2017 йилги ислоҳотлар. 2017 йил умумтаълим ва ўрта махсус касб-ҳунар таълим тизимида туб ислоҳотлар йили бўлди. Халқ қабулхоналари ва Президентнинг виртуал қабулхонасига тушган таклиф ва мулоҳазалар, шунингдек, республика мактабларидаги битирувчиларнинг ота-оналари ўртасида ўтказилган сўравнома натижаларидан келиб чиқиб, Президент Ш.Мирзиёев ташаббуси билан 9+3, яъни 12 йиллик мажбурий таълимдан 11 йиллик таълимга қайтилди. 11 йиллик таълимга ўтиш бўйича сўравнома натижаси ота-оналарнинг 70 % идан ортиқ қисми 11 йиллик таълим қайта ташкил этилиши тарафдори эканини кўрсатди. 2017 йилда 10-синф ўқувчилари учун 9 млн. нусха дарсликлар чоп этилди ва 10 мингга яқин умумтаълим мактабларида 11 йиллик таълимга ўтилган ҳолда ўқитиш тизими йўлга қўйилди.

“Мактабгача таълим тизими” узлуксиз таълимнинг бирламчи, энг асосий бўғинидир. “Мактабгача таълим” 6-7 ёшгача оилада, болалар боғчасида ва бошқа таълим муассасаларида олиб борилади. Мутахассисларнинг илмий хулосаларига кўра, инсон ўз умри давомида оладиган барча ахборот ва маълумотнинг 70 % ини 5 ёшгача бўлган даврда олади. Шу боис, болаларнинг соғлом ва билимли, етук кадрлар бўлиб вояга етишида боғча тарбияси жуда муҳим ўоин тутади.
Мактабгача таълим тизимини янада такомиллаштириш, моддий-техника базасини мустаҳкамлаш, мактабгача таълим муассасалари тармоғини кенгайтириш, малакали педагог кадрлар билан таъминлаш мақсадида Президент Ш.Мирзиёев 2017 йил 30 сентябрда “Мактабгача таълим тизимини бошқаришни такомиллаштириш тўғрисида”ги фармонни имзолади. Унга кўра, Мактабгача таълим вазирлиги ташкил этилди. Янги вазирлик тизимига: Қорақалпоғистон таълим вазирлиги, Тошкент шаҳри мактабгача таълим бош бошқармаси, вилоятларнинг мактабгача таълим бошқармалари ва уларнинг шаҳар ва туманлардаги бўлимлари киради. 2017 йилга келиб Ўзбекистонда 4916 та мактабгача таълим муассасалари фаолият юритмоқда. Охирги 20 йил давомида боғчалар сони 45 % га камайган. Шу билан бирга боғчага бораётган болалар, умумий болалар сонининг 30 %ни ташкил қилади.