Давлат ва жамият қурилиши ҳамда ижтимоий-сиёсий соҳадаги ислоҳотлар бўйича саволлар

10.Тошкент шаҳри ва Тошкент вилоятида янги қурилган кўчмас мол-мулкни олди-сотди шартномаларини тасдиқлаганлик учун қанча миқдорда давлат божи ундирилади?
Ўзбекистон Республикаси Вазирлар Маҳкамасининг 1994 йил 3 ноябрдаги
533-сон қарори билан тасдиқланган Давлат божи ставкаларининг 4-банди “б” кичик бандига асосан:
Ўзбекистон Республикасида доимий яшовчи ва республиканинг бошқа минтақаларида доимий пропискага эга бўлган жисмоний шахслар томонидан кўчмас мол-мулк сотиб олинганда — шартнома суммасининг 5 фоизи, аммо энг кам ойлик иш ҳақининг камида 10 баравари миқдорида;
Тошкент шаҳри ва Тошкент вилоятига бошқа давлатлардан келган ва Ўзбекистон Республикасида яшаш гувоҳномасига эга бўлган чет эл фуқаролари ва фуқаролиги бўлмаган шахслар томонидан 600 млн. сўмдан кам бўлмаган миқдорида янги қурилган кўчмас мол-мулк сотиб олинганда — шартнома суммасининг 10 фоизи миқдорида.
Ушбу банднинг “б” кичик бандига мувофиқ давлат божи тўлаб сотиб олинган кўчмас мол-мулкни харид қилинган кундан бошлаб уч йил мобайнида бошқа шахсга ўтказиш билан боғлиқ шартномаларни тасдиқлаганлик учун энг кам ойлик иш ҳақининг 400 баравари миқдорида давлат божи ундирилади.


11.Гаров, ипотека ва лизинг шартномаларини тасдиқлаганлик ҳамда уларга ўзгартириш ва қўшимчалар киритганлик учун давлат божи қанча миқдорда ундирилади?
Ўзбекистон Республикаси Вазирлар Маҳкамасининг 1994 йил 3 ноябрдаги
533-сон қарори билан тасдиқланган Давлат божи ставкаларининг 4-банди “е” кичик бандига асосан битим иштирокчилари (тарафлари)га қараб қуйидаги тартибда ундирилади.
Жисмоний шахслар учун:
шартнома суммаси энг кам ойлик иш ҳақининг 1000 бараваригача бўлганда – энг кам ойлик иш ҳақининг 1 баравари миқдорида;
шартнома суммаси энг кам ойлик иш ҳақининг 1000 бараваридан
5000 бараваригача бўлганда – энг кам ойлик иш ҳақининг 1,5 баравари миқдорида;
шартнома суммаси энг кам ойлик иш ҳақининг 5000 баравари ва ундан ортиқ бўлганда – энг кам ойлик иш ҳақининг 2 баравари миқдорида ундирилади.
Юридик шахслар учун:
шартнома суммаси энг кам ойлик иш ҳақининг 1000 бараваригача бўлганда – энг кам ойлик иш ҳақининг 2 баравари миқдорида;
шартнома суммаси энг кам ойлик иш ҳақининг 1000 бараваридан
5000 бараваригача бўлганда – энг кам ойлик иш ҳақининг 3 баравари миқдорида;
шартнома суммаси энг кам ойлик иш ҳақининг 5000 баравари ва ундан ортиқ бўлганда – энг кам ойлик иш ҳақининг 4 баравари миқдорида ундирилади.
Гаров, ипотека ва лизинг шартномаларига ўзгартириш ва қўшимчалар киритиш ҳақидаги битимлар расмийлаштирилаётганда, давлат божи белгиланган ставканинг
50 фоизи миқдорида ундирилади.