Davlat va huquq nazariyasi

Prezumpsiya va preyuditsiyaning o‘ziga xos tomonlarini misollar yordamida muhokama qiling.

38. Muayyan shaxsning bedarak yo‘qolganligi sababli ma’lum muddat o‘tgandan keyin u sud tomonidan vafot etgan deb topiladi. Mazkur holatdan so‘ng vafot etgan deb topilgan shaxs tirik ekanligi aniqlanadi va u o‘z huquqlarini talab qildi. Huquqshunoslar ushbu holatni huquqdagi fiksiya ekanligini, uning qator o‘ziga xos xususiyatlari mavjudligini e’tirof etishadi.

Masalani atroflicha tahlil qiling.

39. Normativ huquqiy hujjatlarni (qonunchilikni) tizimlashtirish huquqiy tartibga solishni takomillashtirish, qonunchilikni eskirgan aktlar va o‘zaro qarama qarshi normalardan halos etish, normativ hujjatlardan foydalanishni yengillashtirish va soddalashtirishga qaratilgan faoliyatdir. Normativ-huquqiy hujjatlarni tizimlashtirishning bir qator turlarini mavjud.

Masalani atroflicha muhokama qiling.

40. Huquq prinsiplari va normalari faqat hayotga tatbiq etilgan, maxsus muomala sub’ektlari harakatlarida amalga oshgan taqdirda­gina huquq oliy ijtimoiy qadriyat sifatida namoyon bo‘ladi, shun­dagina u mazmun kasb etadi, jamiyat uchun ahamiyatga ega bo‘ladi. Agar huquq amalga oshirilmas ekan, oxir-oqibatda u o‘zining mohiyatini yo‘qotadi. Bilamizki, huquqlar normativ-huquqiy hujjatlarda mustahkamlanadi. Shunday normativ-huquqiy hujjatlar borki uning hamma normalari ishlamaydi yoki hamma uchun majburiy bo‘lmaydi, ya’ni istisno holatlar mavjud bo‘ladi.

Huquqni amalga oshirishning o‘ziga xos tomonlarini muhokama qiling va keltirilgan holat bo‘yicha fikrlaringizni asoslab bering