Davlat tilida ish yuritish

 
 
 
 
 
 
 
 
 
 
 
 

---

 
4 
I. BO‘LIM. TIL VA NUTQ 
  
1-
MAVZU.
 
KIRISH. TILNING IJTIMOIY MOHIYATI 
REJA
: 
1.
 
Fanning maqsad va vazifalari. 
2.
 
Til aloqa vositasidir. 
3.
 
Til va tafakkur.
 
4.
 
Til va nutq.
 
Tayanch  so‘z  va  iboralar: 
fanning  maqsadi,  predmeti,  til,  tafakkur,  nutq, 
aloqa vositasi, so‘zlashuv jarayoni.  
 
 
Kadrlar tayyorlash milliy dasturining bosh maqsadlaridan biri har tomonlama 
yetuk  mutaxassislarni  tarbiyalash  va  tayyorlashdan  iboratdir.  Bu  esa  nutq  
madaniyatini to‘la egallash, madaniy nutq tuzish malakasiga ega bo‘lishni taqazo 
etadi.  Malaka  bo‘lmas  ekan,  namunali  nutq  tuzib  bo‘lmaydi.  Malakali  nutq  
doimiy va izchil mashqlarni, uzluksiz faoliyatni talab etadi. Shuning uchun o‘rta-
maxsus,  kasb-hunar  ta’limi  tizimiga  “Nutq  madaniyati  va  davlat  tilida  ish 
yuritish” fani kiritilgan.    
“Nutq  madaniyati”  so‘z  birikmasining  lug’aviy  ma’nosi    ikki  so‘zga 
bog’liqdir.    “Nutq”  so‘zi  “fikrni  so‘z  orqali  ifodalash  qobiliyati,  mahorati, 
amaldagi til, so‘zlashuv jarayonidagi so‘z” degan ma’noni bildiradi. “Madaniyat” 
so‘zi  o‘qimishlilik,  ziyolilik,  tarbiya  ko‘rgan  kabi  ma’nolarni  anglatadi.  Demak, 
“nutq madaniyati” atamasi so‘zlashuv jarayonida chiroyli so‘zlashish, fikrni aniq, 
tushunarli va ta’sirli qilib bayon etish kabi ma’nolarni anglatadi. 
“Nutq  madaniyati  va  davlat  tilida  ish  yuritish”  fani  esa  o‘quvchilarning 
nutqiy  savodxonligini  oshirish,  ularga    namunali  nutq  tuzishni  o‘rgatish, 
madaniyatli  nutq  malakasini  shakllantirish,  davlat  tilida  ish  yuritish,  hujjat 
tayyorlash malakasini shakllantirish  kabi maqsadlarni amalga oshiradi.  
Fanning    markazida  til  normalari,  ish  yuritishdagi  til  birliklaridan 
foydalanish, hujjatlarni tashkil etish turadi.          
Bundan tashqari “Nutq madaniyati va davlat tilida ish yuritish” fani ona tili 
va  adabiyoti,  tarix,  falsafa,  estetika,  psixologiya,  ma’naviyat  asoslari,  shaxs  va 
jamiyat, huquqshunoslik, milliy istiqlol g’oyasi kabi fanlar bilan uzviy bog’liqdir. 
Mazkur  fan  eng  avvalo  ona  tili  va  adabiyoti,  rus  tili,  ingliz  tili,  odobnoma, 
ma’naviyat asoslari  fanlarini  ham yaxshi bilishni talab etadi.  
Nutq  madaniyatining  asosini  til  tashkil  etadi.  Tildan  o‘z  maqsadimiz,  fikr-
mulohaza,  kechinma,  taassurotlarimizni  suhbatdosh,  tinglovchi  yoki  o‘quvchiga 
yetkazish  maqsadida  foydalanamiz.  Bunga  til  va  til  birliklari,  paralingvistik 
vositalarni  ishlatamiz.  Shunigdek,  qo‘l  alifbosi,  ko‘rlar  alifbosi,  morze  alifbosi, 
yo‘l  qoidalari  belgilari,  bayroq  vа  raketa  orqali  amalga  oshiriladigan  singnallar, 
matematik,  ximik,  fizik  ramzlar  kabi  aloqa  vositalari  ham  mavjud.  Lekin 
bularning  qo‘llanish  doirasi  chegaralangan  bo‘lib,  tildan  keskin  farq  qiladi.  Til 
faoliyatining  kengligi,  hamma  sohada  ham  barobar  foydalanish  imkoniyati 
borligi,  qulayligi  bilan  aloqa  vositalari  ichida  ajralib  turadi.  Demak,  til 
kishilarning eng muhim aloqa vositasidir.
 
Til oddiy aloqa vositasigina emas. Til – 
аloqaning  kishilik  shaklidir.  Odamlardan  boshqa  jonzotlar  muomalasida  til 

---

 
5 
vositasidan  foydalanilmaydi.  Til  faqat  kishilarga  xos  bo‘lib,  u  faqat  kishilar 
aloqasi uchun xizmat qiladi.  Aslida til kishilik jamiyati tomonidan o‘zaro aloqaga 
kirishish ehtiyoji natijasida yaratilgan. Tilning ijtimoiy  tabiiyati ayrim shaxslarni 
emas,  balki  jamiyat  mavjudligini  taqazo  etadi.  Ya’ni  til  bo‘lishi  uchun  kishilik 
jamiyati  bo‘lishi  shart.  Masalan,  bola  odamlardan  alohida  holda  yashasa,  unda 
tilga  ehtiyoj  bo‘lmaydi.  U  o‘z  munosabatini  hayvoniy  instinktlar  yordamida 
ifodalashi  mumkin.  Ammo,  so‘zlolmaydi.  Bunga  tarixdan  ko‘plab  misollar 
keltirish mumkin.  
1920 yilda Hindistonda ovchilar bir  joyda ikki bo‘ri bolasi va ikki qizchaga 
duch  keladilar.  Qizlar  o‘zlarini  bo‘ri  sifat  tutardilar.  Gapirishni  bilmasdilar. 
Ularda  tabiiy  hodisalar  –  ovqatlanish,  nafas  olish,  rivojlanish  kabilar  kuzatilgan, 
ammo  ijtimoiy  hodisa,  ya’ni  til  rivojlanmagan.  Ularni  “ijtimoiyilashtirish” 
jarayoni  qiyin  kechgan.  Shunda  ham  ular  yaxshi  fikr  yuritmaganlar  va  to‘rt  yil 
davomida bor-yo‘g’i 50 ta so‘zni o‘rganganlar xolos. 
Tilning  ma’lum  informatsiya  ifoda  qilib,  suhbatdoshga  ta’sir  ko‘rsatishi 
uning eksressiv funksiyasi hisoblanadi. Xabar, sezgi va his-tuyg’u, xohishni ifoda 
qilish birgalikda tilning ekspressiv vazifasiga kiradi. Bunda turli til vositalaridan, 
masalan, ritorik so‘roq, modal so‘zlar, grammatik tartib kabilardan foydalaniladi.  
Til  kishilarning  aloqa  vositasigina  bo‘lmay  u  millatlararo  tajriba  almashish, 
to‘plangan bilim va ko‘nikmalarni kelajak avlodga yetkazish vositasi hamdir. Bu 
tilning akkummulyativ(lotincha—to‘plash) funksiyasi hisoblanadi.  
Tilning  funksiyalarini  uning  jamiyatdagi  kishi  ongi  va  fikrlash  qobiliyati 
bilan aloqasini aniqlamay turib chuqur anglab bo‘lmaydi. 
Til  bilan  tafakkurning  munosabati  nihoyat  darajada  murakkab  protsess 
bo‘lib,  uni  falsafa,  tilshunoslik,  psixologiya  kabi  fanlar  ham  o‘rganadi.  Nutq 
madaniyatida tafakkur tilning  ajralmas qismi sifatida olinadi.  
Kishi dunyoni ko‘rish, eshitish, sezish, ta’m bilish, hid bilish, o‘rganish  orqali 
anglaydi.  Ana  shu  anglangan  narsa  tafakkur  hisoblanadi,  lekin  u  hali  bizning 
ongimizdan  tashqariga  chiqmagan.  Agar  uni  bayon  qilmoqchi  bo‘lsak,  tildan 
foydalanamiz  va  ongimizdagi  anglangan  tushuncha  moddiylashadi.  Xulosa 
qiladigan bo‘lsak, biz  dunyoni  ko‘rib,  tushunib  u  haqda  fikr  yuritsak bu  taffakur 
hisoblanadi.  O‘sha  fikrni  kimgadir  izhor  qilsak,  u  moddiylashadi.  Bir  so‘z  bilan 
aytganda,  tilning  asosi  ong,  tafakkurning  moddiy  qobig’i  tildir.  Til  birliklarisiz 
fikr shakllanmaydi. Bu hol fikrni til nuqtaiy nazaridan o‘rganishni taqazo etadi.  
Til inson nutqiy faoliytining umumiy bazasi bo‘lib, unda aloqa vaqtida kerak 
bo‘ladigan  tovush,  so‘z,  ibora,  gap  kabi  birliklar  saqlanadi.  Ulardan  amalda 
foydalanish jarayoni nutq deyiladi. Til vositalaridan foydalanilmay qolish hududi 
til  deyiladi.  Demak,  til  aloqa  jarayonida  kerak  bo‘ladigan  va  juda  qadim 
zamonlardan  beri  to‘plangan  vositalar  majmui,  nutq  esa  ulardan  lozim  paytida 
foydalanish  jarayonidir.  Shuning  uchun  ham  “nutq”  so‘zining  ma’nosi  “so‘z”, 
“ma’no” degan tushunchalarga tengdir.  
Til va nutqning o‘zaro faqli tomonlari mavjud bo‘lib, ular quyidagilardir: 
1. Til aloqa materiali, nutq esa shaklidir.  

---

 
6 
2. Tilning umri xalq umri bilan baholanadi, nutqning umri esa og’zaki nutqda 
nutq  jarayonining  o‘zinigina  qamrab  oladi.  Yozma  nutqning  umri  biroz  uzun 
bo‘lishi mumkin, ammo tilning umrichalik uzoq bo‘la olmaydi. 
3. Tilning hajmi noaniq, nutqning hajmi esa aniq bo‘ladi. 
4. Til asosan  turg’un, nutq esa o‘zgaruvchandir. 
5. Til  bir millatga tegishli bo‘ladi, nutq egasi esa bir kishiga xos bo‘ladi.   
Til  va  nutqning  orasida  bir  qancha  farqli  tomonlar  bo‘lishiga  qaramay  ular 
bir-biriga bog’liqdir.   
Umuman  olganda,  til  kishilarning  o‘zaro  aloqa  vositasidir.  Lekin  u 
tafakkursiz  amalga  oshmaydi.  Shuningdek,  til    birliklaridan  foydalanish  nutq 
deyiladi.  Bir-biriga  yaqin  bu  tushunchalar  birdek  tuyulsada,  aslida  ular  alohida, 
o‘ziga xos tarzda mavjud  bo‘ladi. Ularning o‘z taraqqiyot yo‘li, ichki qonuniyati, 
rivojlanish yo‘li bor.