Давлат солиқ хизмати органлари мансабдор

898-савол. ЯТТ томонидан даромадлар ёки ҳаражатларни ҳисобга 
олиш китобини юритиш қоидаларини бузиш қанча миқдорда жаримага 
тортилади?
Жавоб
: Беш юз минг сўм миқдорида жарима солишга сабаб бўлади. 
ТАШҚИ САВДО ОПЕРAЦИЯЛАРИ 
МОНИТОРИНГИ БОШҚАРМАСИ БЎЙИЧА САВОЛЛАР
 
 
899-савол. Солиқ органларининг Солиқ кодексига мувофиқ валюта 
назорати соҳасига оид қандай мажбуриятга эга? 
Жавоб
: Солиқ кодексининг 27-моддасига асосан солиқ органлари ўз 
ваколатлари доирасида валюта ва экспорт-импорт оперaцияларини амалга 
оширишнинг белгиланган тартибига риоя этилиши устидан назорат қилиш 
мажбуриятига эга. 
900-савол. Ташқи савдо фаолияти деганда қандай фаолият 
тушунилади ва қандай йўл билан амалга оширилади?
Жавоб
: Ташқи савдо фаолияти халқаро товарлар, ишлар (хизматлар) 
савдоси соҳасидаги тадбиркорлик фаолиятидир. Ташқи савдо фаолияти 
товарларни, ишларни (хизматларни) экспорт ва импорт қилиш йўли билан 
амалга оширилади. 
901-савол. Товарлар экспорти деб нимага айтилади? 
Жавоб
: Товарларнинг Ўзбекистон Республикаси божхона ҳудудидан 
уларни қайта олиб кириш тўғрисидаги мажбуриятни олмасдан олиб чиқиб 
кетилиши, агар қонунчиликда бошқача қоида белгиланмаган бўлса, товарлар 
экспортидир. 
902-савол. Товарлар импорти деб нимага айтилади? 
Жавоб
: Товарларнинг Ўзбекистон Республикаси божхона ҳудудига 
уларни қайта олиб чиқиб кетиш тўғрисидаги мажбуриятни олмасдан олиб 
кирилиши товарлар импортидир. 
903-савол. Ишлар (хизматлар) экспорти деб нимага айтилади? 
Жавоб
: Ўзбекистон Республикасининг юридик ёки жисмоний шахси 
томонидан хорижий давлатнинг юридик ёки жисмоний шахси учун ишлар 
бажариш (хизматлар кўрсатиш), уларнинг бажарилиш (кўрсатилиш) жойидан 
қатъи назар, ишлар (хизматлар) экспортидир. 

---

173