Давлат солиқ хизмати органлари мансабдор шахсларини уларнинг касбий

1253-савол. Ортиқча ундирилган солиқ суммаси нима?

Жавоб: Солиқ органларининг ғайриқонуний ҳатти-ҳаракатлари натижасида ортиқча тўланган солиқ суммаси.

1254-савол. Тан олинган солиқ қарзи нима?

Жавоб: Солиқ қарзини узиш тўғрисидаги талабнома берилган санадан бошлаб ўн календар кун ичида солиқ тўловчи томонидан эътироз билдирилмаган қарз ёки суд қарори билан тасдиқланган қарз.

1255-савол. Умидсиз қарз нима?

Жавоб: Суд қарори билан мажбуриятнинг бекор қилиниши туфайли ёхуд банкротлик, тугатиш, қарздорнинг вафоти ёки даъво муддати тугаши сабабли тўланиши мумкин бўлмаган қарз.

1256-савол. Солиқ даври деганда нима тушунилади?

Жавоб: Солиқ даври деганда тугагандан кейин солиқ базаси аниқланадиган ҳамда тўланиши лозим бўлган солиқ суммаси ҳисоблаб чиқариладиган календар йил ёки бошқа давр тушунилади.

1257-савол. Солиқ имтиёзлари деб нима эътироф этилади?

Жавоб: Солиқ тўловчиларнинг айрим тоифаларига бошқа солиқ тўловчиларга нисбатан солиқ тўғрисидаги қонунчиликда назарда тутилган афзалликлар, шу жумладан солиқни тўламаслик ёки уларни камроқ миқдорда тўлаш имконияти солиқ имтиёзлари деб эътироф этилади.
1258-савол. Ваколатли органлар деб қайси органлар ҳисобланади? Жавоб: Қуйидагилар ваколатли органлардир:
а) солиқ органлари — Ўзбекистон Республикаси Давлат солиқ қўмитаси, Йирик солиқ тўловчилар бўйича ҳудудлараро давлат солиқ инспексияси, Қорақалпоғистон Республикаси, вилоятлар ва Тошкент шаҳар давлат солиқ бошқармалари, шунингдек туманлар (шаҳарлар) давлат солиқ инспексиялари;
б) божхона органлари — Ўзбекистон Республикаси Давлат божхона қўмитаси, Давлат божхона қўмитасининг Қорақалпоғистон Республикаси, вилоятлар, Тошкент шаҳри бўйича бошқармалари, “Тошкент — АЭРО” махсус божхона комплекси ва божхона постлари;
в) йиғимларни ундириш функциясини амалга оширувчи давлат органлари ва ташкилотлар.

1259-савол. Назорат қилинадиган чет эл компанияларининг фойдасини солиқ солишдан озод қилиш тўғрисида кодекснинг нечинчи моддасида келтирилган?