Давлат солиқ хизмати органлари мансабдор шахсларини уларнинг касбий

1245-савол. Чет эл юридик шахсининг Ўзбекистон Республикасидаги доимий муассасаси нима деб эътироф этилади?

Жавоб: Чет эл юридик шахси Ўзбекистон Республикасидаги тадбиркорлик фаолиятини тўлиқ ёки қисман қайси доимий фаолият жойида амалга ошираётган бўлса, ўша жой чет эл юридик шахсининг Ўзбекистон Республикасидаги доимий муассасаси деб эътироф этилади.

1246-савол. Доимий муассасаси деганда нима тушунилади?

Жавоб: 1) ҳар қандай бошқарув жойи, филиал, бўлинма, бюро, идора, офис, хона, агентлик, фабрика, устахона, цех, лаборатория;

2. 
   товарни ишлаб чиқариш, қайта ишлаш, бутлаш, қадоқлаш ва ўраб- жойлаш амалга ошириладиган жой;
   
3. 
   савдо шохобчаси сифатида фойдаланиладиган ҳар қандай жой, шу жумладан омбор;
   
4. 
   кон (шахта), нефт ёки газ қудуғи, карйер ёки табиий ресурслар қазиб олинадиган бошқа ҳар қандай жой;
   
5. 
   табиий ресурсларни ўрганиш (қидириш), ишлатиш, қазиб олиш ва (ёки) улардан фойдаланиш учун қўлланиладиган қурилма ёки иншоот (шу жумладан уни монтаж қилиш), фақат қурилма ёки иншоот бир юз саксон уч кундан ортиқ муддат мобайнида фойдаланилаётган бўлиши ёки фойдаланиш учун тайёр бўлиши шарт;
   
6. 
   қувур, газ қувури билан боғлиқ фаолият (шу жумладан назорат ёки кузатув) амалга ошириладиган ҳар қандай жой;
   
7. 
   ўйин автоматларини (шу жумладан уларга қўшимчаларни), компютер тармоқлари ва алоқа каналларини, аттраксионларни ўрнатиш, созлаш ҳамда улардан фойдаланиш билан боғлиқ фаолият амалга ошириладиган ҳар қандай жой.
   

1247-савол. Ўзаро боғлиқ бўлган шахслар нима деб эътироф этилади?

Жавоб: Агар шахслар ўртасидаги муносабатларнинг ўзига хос хусусиятлари ушбу шахслар тузадиган битимларнинг шартларига ва (ёки) натижаларига ва (ёки) ушбу шахслар фаолиятининг иқтисодий натижаларига ёки ўзларини вакил қилган шахсларнинг фаолиятига таъсир кўрсатса, ушбу қисмда кўрсатилган шахслар солиқ солиш мақсадларида ўзаро боғлиқ бўлган шахслар деб эътироф этилади.