Давлат солиқ хизмати органлари мансабдор шахсларини уларнинг касбий

1248-савол. Солиқ солиш мақсадида бир вақтнинг ўзида қайси шартларга жавоб берадиган чет эл юридик шахси назорат қилинадиган чет эл компанияси деб эътироф этилади?

Жавоб: 1) Чет эл юридик шахси Ўзбекистон Республикасининг солиқ резиденти деб эътироф этилмайди;
2) Ўзбекистон Республикасининг солиқ резидентлари деб эътироф этиладиган юридик ва (ёки) жисмоний шахслар чет эл юридик шахсини назорат қилувчи шахслар ҳисобланади.

1249-савол. Даромад деб нима эътироф этилади?

Жавоб: Нафни баҳолаш имконияти мавжуд бўлган тақдирда ва бундай нафни баҳолаш мумкин бўлган даражада ҳисобга олинадиган пул ёки натура шаклидаги иқтисодий наф даромад деб эътироф этилади.

1250-савол. Товар деб нима эътироф этилади?

Жавоб: Табиатнинг ёки инсон фаолиятининг (шу жумладан интеллектуал фаолиятнинг) қиймат баҳосига эга бўлган ва реализaция қилиш учун мўлжалланган ҳар қандай предмети товар деб эътироф этилади. Шу жумладан, товарлар деб, хусусан, электр энергияси, маълумотлар базаси, ахборот, интеллектуал фаолият натижалари, шу жумладан уларга бўлган мутлақ ҳуқуқлар эътироф этилади. Солиқ солиш мақсадида мулкий ҳуқуқлар ҳам товар деб эътироф этилади.

1251-савол. Хеджирлаш оперaциялари деганда нима тушунилади?

Жавоб: хеджирлаш оперaциялари деганда солиқ тўловчи учун нохуш оқибатларни (тўлиқ ёки қисман) камайтириш (компенсaция қилиш) мақсадида муддатли битимларнинг молиявий воситалари (шу жумладан ҳархил турлари билан) амалга ошириладиган оперaциялар (оперaциялар мажмуи) тушунилади.

1252-савол. Қайси юридик шахс нотижорат ташкилот деб эътироф этилади.

Жавоб: Қонунчиликда нотижорат ташкилот учун белгиланган шаклда рўйхатдан ўтказилган, қуйидаги шартларга мувофиқ бўлган юридик шахс ушбу Кодекс мақсадида нотижорат ташкилот деб эътироф этилади, агар:
а) даромад олиш мақсадига эга бўлмаса;
б) даромадларни ёки мол-мулкни иштирокчилари (аъзолари) ўртасида тақсимламаса.