Давлат мукофоти”га номзод Тошкент вилояти Ўрта Чирчиқ туманидаги

“Давлат мукофоти”га номзод
Тошкент вилояти Ўрта Чирчиқ туманидаги
72-ихтисослаштирилган Давлат умумтаълим мактаби Маънавий-маърифий ишлари бўйича директор ўринбосари
Душаева Назокат Шарофутдиновнага
ТАВСИФНОМА

Душаева Назокат Шарофутдиновна 2012-йилдан буён Ўрта Чирчиқ туман ХТБ тасарруфидаги 72-ихтисослаштирилган Давлат умумтаълим мактабида фаолият юритиб келмоқда.
2013-йилда “Халқ таълими аълочиси” кўкрак нишони билан мукофотланган.
Таълим соҳасида меҳнат стажи 27 йил.
Душаева Н.Ш. вилоятнинг энг тажрибали ва фидойи педагогларидан.
Унинг бутун меҳнат фаолияти мазкур таълим муассасаси билан боғлиқ бўлиб, таълим сифатини ошириш, мустақил фикрли, кенг дунёқарашга эга баркамол авлодни тарбиялаш борасида самарали меҳнат қилиб келмоқда.
1996-йилда “Йилнинг энг яхши фан ўқитувчиси” кўрик-танловининг вилоят босқичида ғолиб бўлган.
72-ихтисослаштирилган Давлат умумтаълим мактабида она тили ва адабиёт фанларини чуқурлаштириб ўқитишга ихтисослаштирилган синфлар ҳам бўлиб, вилоятдаги энг етакчи таълим муассасаларидан бири ҳисобланади. Душаева Назокат туманда она тили ва адабиёти фанидан “Маҳорат мактаби”нинг раҳбари сифатида бир қатор тадбирлар ташкил этди.
Душаева Назокат шеъриятга қизиққанлиги сабабли, унинг “Қалбим кечинмалари”, “Умид учқунлари” номли шеърий китоблари ва “Ўқувчиларнинг ақлий фаолиятини ривожлантирувчи машғулотлар” номли методик қўлланмалари нашр этилган.
Душаева Назокат ташаббускор, изланувчан ўқитувчи. Ўз устида тинмай иш олиб боради. У ўзига бириктирилган синф билан мактаб миқёсида “Оила – Ватан тимсоли”, “Наврўзи олам муборак” мавзусида очиқ тарбиявий соатлар, “Бобур-буюк сиймо” каби тадбирлар ўтказди. Унинг ўқувчилари 2013-йилда “Билимлар беллашуви”нинг туман босқичида 8-синф ўқувчиси Валиева Зулфизарбону 1-ўринни, вилоят босқичида фахрли 3-ўринларни эгаллади.
2013-йилда 72-ихтисослаштирилган умумий ўрта таълим мактабида “Она тили ва адабиёт дарсларида иқтидорли ўқувчилар билан ишлашнинг самарали усуллари” мавзусида вилоят ўқув семинарини ўтказди. Халқ таълими бошқармаси, малака ошириш институти ўқитувчилари, вилоят ва туман услубчилари томонидан Н. Душаеванинг ўтган дарслари намунали деб топилиб, оммалаштириш учун вилоят миқёсида тавсия этилди.
2015-йил апрел ойида бўлиб ўтган “Мен, ота-онам, бувим ва бобом – китобхон оила” Республика кўрик танловида 8-синф ўқувчиси Ураимшикова Мафтуна туман ва вилоят босқичида 1-ўринни, республика босқичида 4-ўринни эгаллади. 2015-йил декабр ойида ўтказилган “Маҳалла – менинг тақдиримда” ишолар танловида ўқувчиси Ураимшикова Мафтуна туман ва вилоят босқичида 1-ўринни, республика босқичида 2-ўринни эгаллаб, қимматбаҳо совғалар совриндори бўлди.
Душаева Назокат туман ва вилоят газеталарида тумандаги таълим фаолиятида бўлаётган ягиликларни доимий равишда ёритувчи мақолалари билан фаол иштирок этиб келмоқда.
Таълим муассасаси ва маҳаллаларда ўтказилаётган маданий-маърифий тадбирлар, йиғилиш ва давра суҳбатларида мунтазам иштирок этиб, мустақиллик йилларида мамлакатимизда таълим тизимини ривожлантириш борасида амалга оширилаётган кенг кўламли ислоҳотлар ва уларнинг амалий самараси, мустаҳкамлиги борасида кенг тарғибот ишларини олиб бормоқда.
2017-йилда ўқувчилари "Бувим,бобом ва мен - китобхон оила" кўрик- танловининг вилоят ғолиби ва Республикада 4-ўрин соҳиблари бўлган.
2019-йилда юқори синф ўқувчилари "Сиз қонунни биласизми?" кўрик- танлови вилоят ғолиблари бўлди.
2021-йил Президент сайловолди учрашувида Республикадаги ўқитувчилар номидан сўзга чикиб, президент Ш.Мирзиёев олкишига сазовор бўлган фидойи ўқитувчи ҳисобланади.
Юқори малакали педагог, жонкуяр ва самимий инсон сифатида ҳамкасблари ҳамда аҳоли ҳурматини қозонган.


72-ихтисослаштирилган мактаб директори: А.К.Маматқулов