Давлат мактабгача таълим ташкилотлари педагог ходимларининг иш ҳужжатларини юритилиши бўйича

VI бўлим. Мундарижа
Иш режанинг барча бўлим ва бандлари номи ва саҳифалари кўрсатилади.
01-14. Мактабгача таълим ташкилотининг педагогик кенгаши - бошқарув органи
хисобланади.
Ташкилот иш режаси ва педагогларнинг педагогик юкламасини белгилайди,
Мактабгача таълим ташкилотининг таълим-тарбия жараёнини такомиллаштириш
масаалларини кўриб чиқади ва таълим дастурларини амалга ошириш натижаларини
баҳолайди. Боланинг қонуний вакиллари ҳамкорлиги тартибини белгилайди. Педагог
ходимларнинг малакасини ошириш, уларнинг ижодий ташаббусини ривожлантириш, илғор
педагогик тажрибаларни жорий этиш масалаларини муҳокама қилади, ташкилот
ходимларининг моддий ва маънавий рағбатлантириш масалаларини кўриб чиқади, раҳбар ва
педагогларнинг исоботи тингланади.
Педагогик кенгашга раис, унинг аъзолари, котиба сайланади. Кенгаш баённомаларини
юритиш китоби ва муҳокама қилиш учун тайёрланган таҳлилий материаллар, маълумотлар
котибада сақланади. Кенгаш баённомалари кенгаш котибаси томонидан ёзиб борилади.
Педагогик кенгаш режасига киритилган масалалар масъул ишчи гуруҳ томонидан бир
ой олдин огоҳлантирилган ҳолда ўрганилади. Ўрганиш натижалари юзасидан тайёрланган
маълумотлар ва қарор лойиҳаси педагогик кенгаш аъзоларига 10 кун олдин топширилади.
Кенгаш аъзолари томонидан кўриб чиқиб, берилган таклиф ва тавсиялар асосида
қўшимчалар ва ўзгартиришлар киритилиши мумкин. Педагогик кенгаш баёнида ҳар бир
масаладан сўнг, муддати белгиланган ҳолда қарор чиқарилади, қарор ижроси бўйича масъул
шахсга юклатилиб, мазкур қарорларнинг ижросини бажарилиши кейинги педагогик кенгаш
бошланишида ижросини сифатли таъминланишига кўра назоратдан олинади.
Ўрганилган масалаларга оид таҳлил натижалари ва барча ҳужжатлар йиғма жилди
шакллантирилади. Педагогик кенгаш баённомалари дафтари тикилган, саҳифаланган,
мактабгача таълим ташкилоти раҳбари томонидан имзоланган ва муҳрланган бўлиши
лозим.