Davlat inspeksiyasi

2-savol. 
Mazkur savol ham qiyinchilik darajasi yuqori bo‘lgan savollar 
turkumiga kiradi. Bu masalani yechish uchun tasvirning ikkita (old va yon) 
chizmasi orqali berilgan kerakli ma’lumotni tanlab olish, ya’ni tomning 
o‘lchamini aniqlash talab etiladi. Bundan tashqari, ikkita bir xil nishab­
likdan iborat bo‘lgan tomning shakli haqida to‘g‘ri tasavvurga ega bo‘lish 
zarur. Shuning uchun, faqat 12 foiz o‘quvchilargina bu masalani to‘g‘ri
yecha olgan, 2 foiz o‘quvchilar unga qisman javob bergan va 36 foiz 
o‘quvchilar esa savolga hech qanday javob bermagan.
Ushbu savolga javob berishda o‘quvchidan uch o‘lchamli shakllar va 
obyektlarning chizmalarini o‘qib, tushunish, savolga to‘g‘ri javob berish 
uchun obyektning tuzilishi yoki tasviriga oid geometrik kattaliklarning 
qiymatlarini topish talab etiladi. Savolga to‘g‘ri javob berish uchun 
Pifagor teoremasidan va to‘rtburchak yuzi formulasidan foydalanib, ba’zi 
geometrik kattaliklar qiymatlarini aniqlash talab etiladi, shu sababli, 
o‘zining xususiyati va o‘quvchilarning aqliy faoliyat turiga ko‘ra, mazkur 
savol «qo‘llash» faoliyati bilan bog‘liq savollar turkumiga kiradi.

---

63
Aylanma eshik – doirasimon soha ichida aylanib turadigan
shishadan yasalgan uchta to‘siqdan iborat. Bu doirasimon sohaning
ichki diametri 2 metr (200 santimetr). Bu uchala to‘siq doirasimon
sohani teng uch qismga ajratadi. Quyida shishadan yasalgan to‘siq­
larning yuqoridan olingan uch xil tasviri berilgan.
 1-SAVOL 
Eshikning ikki to‘sig‘i orasidagi burchakning gradus o‘lchovi nechaga 
teng? 
1-savol to‘g‘risida ma’lumot
Savol tavsifi: 
markaziy burchakni hisoblash.
Matematikaga oid mazmun sohasi:
fazo va shakl.
Kontekst: 
ilmiy.
Aqliy faoliyat turi:
qo‘llash.