Давлат бюджети харажатлари. Мундарижа

2.1. Республика бюджетининг харажатлари ҳисоби
-Ўзбекистон Республикасининг республика бюджети харажатлари тасдиқланган бюджетдан маблағ ажратиш доирасида:
1. Бюджет маблағлари олувчиларнинг жорий харажатлари шаклида.
2. Жорий бюджет трансфертлар шаклида.
3. Капитал харажатлар:
а) асосий фондлар ва воситаларни (улар билан боғлиқ ишлар ва хизматлар хам шулар жумласига киради) давлат эхтиёжлари учун сотиб олиш ва такрор эхтиёжлари учун ер ва бошқа мол-мулк сотиб олиш харажатлари шаклида;
в) Давлат эхтиёжлари учун ерга бўлган хуқуқ ва бошқа номоддий активларни сотиб олиш харажатлари шаклида.
г) Давлат захираларини вужудга келтириш харажатлари шаклида.
4. Капитал харажатларни қоплаш учун юридик шахсларга бериладиган бюджет трансфертлари шаклида.
5. Давлат мақсадли фондларига бериладиган бюджет дотациялари ва бюджет ссудалари шаклида.
6. Давлат қарзини қайтариш ва унга хизмат кўрсатиш бўйича тўловлар ва унга хизмат кўрсатиш бўйича тўловлар ва қонун хужжатларда тақиқланмаган бошқа харажатлар шаклида амалга оширилади.
Республика бюджети маблағлари хисобидан Мудофаа вазирлиги, Ички ишлар вазирлиги, Давлат божхона қўмитаси ва бошқа вазирликларнинг нафақахўрларига нафақа тўлаш учун Халқ банки филиалларига маблағлар Ўзбекистон Республикаси Молия вазирлигининг тўлов топшириқномасига асосан ўтказилади.
Банк муассасалари томонидан Давлат бюджети хисобидан хамма қилинган тўловлар Давлат бюджетининг касса харажатларини ташкил этади.
Давлат бюджетининг касса харажатлари 020-“Бюджет харажатлари” субсчётларда йил бошидан ўсиббориш тартибида хисобга олиб борилади.
Ўзбекистон Республикасининг республика бюджети бўйича касса харажатларини хисоблаш учун харажатлар ведемости ёки харажатлар китоби хизмат қилади.
Китобда суммалар бюджет таснифи бўлинмалари бўйича қайд этилади.
Ўзбекистон Республикаси банк муассасаларининг “Ўзбекистон Республикасининг республика бюджети касса ижроси тўғрисида”ги ойлик хисоботига асосан хисобот ойидаги республика бюджети хисобидан амалга оширилган касса харажатлари суммасига Ўзбекистон Республикаси Молия вазирлигида қуйидаги бухгалтерия проводкаси тузилади
Дебет 020 - “Бюджет харажатлари” субсчети;
Кредит 010 – “Республика бюджети маблағлари депозит хисоб варағи” субсчети.
Ўзбекистон Республикаси банк муассасаларининг “Ўзбекистон Республикасининг республика бюджети хисобидан капитал қўйилмаларни молиялаштириш тўғрисида”ги ойлик хисоботига асосан хисобот ойидаги капитал қўйилмаларга қилинган харажатлар суммасига Ўзбекистон Республикаси Молия вазирлигида қуйидаги бухгалтерия проводкаси тузилади;
Дебет 020- “Бюджет харажатлари” субсчети:
Кредит 018- “Ўзбекистон Республикаси банк муассасаларидаги капитал қўйилмалар ва бошқа тадбирларни молиялаштириш учун бюджет маблағлари хисоб варағи” субсчети.