Davlat byudjeti” fanidan O’quv uslubiy majmua

20.1. O’zbekiston Respublikasi davlat hokimiyati organlarini saqlash xarajatlari
O’zbekiston Respublikasi boshqaruv orgalari tizimi qonun chiqaruvchi, ijro etuvchi barcha organlarning hamda barcha darajadagi sud, prokuratura organlarining yig’indisidan iborat. O’zbekiston Respublikasi Konstitutsiyasiga muvofiq O’zbekiston Respublikasi davlat hokimiyati tizimi qonun chiqaruvchi, ijro etuvchi hamda sud hokimiyati tizimidan iborat.

20.1-rasm. O’zbekiston Respublikasida hokimiyat bo’linishi


O’zbekiston Respublikasining Oliy Majlisi oliy davlat vakillik organi bo’lib qonun chiqaruvchi hokimiyatni amalga oshiradi va u ikki palatadan - Qonunchilik palatasi (quyi palata) va Senatdan (yuqori palata) iborat. O’zbekiston Respublikasida davlat va ijro etuvchi hokimiyat boshlig’i bo’lib O’zbekiston Respublikasining Prezidenti hisoblanadi.
O’zbekiston Respublikasida sud tizimi O’zbekiston Respublikasi Konstitutsiyaviy sudi, O’zbekiston Respublikasi Oliy sudi, O’zbekiston Respublikasi Oliy xo’jalik sudi, Qoraqalpog’iston Respublikasi fuqarolik va jinoyat ishlari bo’yicha oliy sudlari, Qoraqalpog’iston Respublikasi xo’jalik sudidan, fuqarolik va jinoyat ishlari bo’yicha viloyat va Toshkent shahar sudlari, fuqarolik va jinoyat ishlari bo’yicha tumanlararo, tuman, shahar sudlari, harbiy va xo’jalik sudlaridan iborat.

Boshqarish xarajatlarinig iqtisodiy mohiyati turli ko’rinishlarda namoyon bo’ladi, ya’ni har bir xarajat o’zining sifat va miqdoriy ifodasiga egadir.

20.2-rasm. O’zbekiston Respublikasida boshqaruv xarajatlarining sifat va miqdor ifodasi
Jamiyatning iqtisodiy hayotida iqtisodiy islohotlarni amalga oshirishda davlatning roli oshishi byudjetda boshqarish xarajatlarining turli ko’rinishlarida bo’lishini asoslaydi.