Давлат божхона хизмати органларига

Маданий мерос нима?
Жавоб:
Аждодлар томонидан яратилган моддий ва маънавий бойликлар мажмуи. Ҳар бир даврда яшаётган инсонлар ўзига хос маданий мерос яратади ва кейинги авлодга қолдиради.


Ақидапарастлик нима?
Жавоб:
Диний урф-одатларга кўр-кўрона, тушунмасдан эътиқод ва амал қилишни ифодаловчи тушунча. Ақидапарастлик жамият тараққиётига ғов бўлувчи асосий омилларданн бири.


Ўзбекистон тараққиёти ва барқарорлигига раҳна солувчи таҳдидларни айтинг.
Жавоб:
Минтақавий можоралар, Диний экстремизм ва фундаментализм, Буюк давлатчилик шовинизми, Агрессив миллатчилик ва миллатлараро зиддиятлар, Коррупция ва жиноятчилик, Маҳаллийчилик ва уруғ-аймоқчилик муносабатлари, Экологик муаммолар.


ЎЗБЕКИСТОНДА ОЛИБ БОРИЛАЁТГАН СИЁСИЙ, ИҚТИСОДИЙ
ВА ИЖТИМОИЙ ИСЛОҲОТЛАРГА ОИД
САВОЛЛАР


Ўзбекистоннинг биринчи Президенти И.Каримовинг “Ўзбекистон мустақилликка эришиш остонасида” деб номланган китобининг мазмун моҳияти?
Жавоб:
Мазкур китобда Юртбошимизнинг мамлакатимиз мустақиллиги арафасида ва мустақилликнинг дастлабки даврида (1989-1991 йилларда) олиб борган жўшқин ва серқирра сиёсий-ижтимоий фаолиятни акс эттирадиган маъруза ва нутқлар, суҳбат, мақола ва интервьюлари ҳамда яқин ўтмишимизнинг мураккаб тарихий-сиёсий босқичлари, тассаввур қилиш ҳам қийин бўлган ғоят оғир ва таҳликали бир вазиятдаги оқилона фаолияти ўз ифодасини топган.