Давлат божхона хизмати органларига

Ўзбекистоннинг биринчи Президенти И.Каримовинг “Ўзбекистон XXI аср бўсағасида: хавфсизликка таҳдид, барқарорлик шартлари ва тараққиёт кафолатлари” асарининг мазмун моҳияти?
Жавоб:
Ушбу асарда Ўзбекистон барқарорлигига таҳдид солувчи – Минтақавий можаролар, Диний экстремистик фундаментализм, Буюк давлатчилик шовинизми, Агрессив миллатчилик ва миллатлараро зиддиятлар, Коррупция ва жиноятчилик, Маҳаллийчилик ва уруғ-аймоқчилик муносабатлари, Экологик муаммолар ва уларнинг ечими ҳақида сўз боради. Шунингдек, Ўзбекистон ўз мустақиллигининг дастлабки йилларида амалга оширилиши зарур бўлган асосий вазифалар белгилаб берилган.


Ўзбекистон Республикасини янада ривожлантириш бўйича Ҳаракатлар стратегияси тўғрисида Президент Фармони қачон қабул қилинган?
Жавоб: 2017 йил 7 февралда.


2017-2021 йилларда Ўзбекистон Республикасини ривожлантириш бўйича Ҳаракатлар стратегиясида нечта устувор йўналиш белгиланган?
Жавоб: 5 та.


2017-2021 йилларда Ўзбекистон Республикасини ривожлантириш бўйича Ҳаракатлар стратегиясининг устувор йўналишларини айтинг.
Жавоб:
Давлат ва жамият қурилишини такомиллаштириш; Қонун устуворлигини таъминлаш ва суд-ҳуқуқ тизимини янада ислоҳ қилиш; Иқтисодиётни янада ривожлантириш ва либераллаштириш; Ижтимоий соҳани ривожлантириш; Хавфсизлик, миллатлараро тотувлик ва диний бағрикенгликни таъминлаш, чуқур ўйланган, ўзаро манфаатли ва амалий руҳдаги ташқи сиёсат юритиш.


Ўзбекистон Президенти Шавкат Мирзиёев Бирлашган миллатлар ташкилоти Бош ассамблеясининг 72-сессиясида қачон нутқ сўзлади?
Жавоб:
2017 йил 19 сентябрда.