Давлат божхона хизмати органларига

ИНВЕСТОР - капитал маблағ сарфлаётган давлат, ташкилот, корхона ёки шахс.


ИННОВАЦИЯ - янгиликни жорий қилиш, фан-техника ютуқларини бошқариш ва ташкил қилиш соҳасидаги янгиликлар мажмуи.


ИПОТЕКА - (юнон.hypotheke-гаров)- қарз, кредит олиш учун бирор-бир муайян кўчмас мулкни (ер, иморат ва ҳоказо) гаровга қўйиш.


ИҚТИСОДИЁТ - чекланган иқтисодий ресурслардан унумли фойдаланиб, инсонлар учун зарур бўлган ҳаётий воситаларни ишлаб чиқариш ва етказиб беришга қаратилган ва чамбарчас боғлиқликда амал қиладиган фаолиятлар бирлигидир.


ИҚТИСОДИЙ СИЁСАТ - ҳаётий неъматларни ишлаб чиқариш, тақсимлаш, айирбошлаш ва истеъмол қилиш соҳасидаги давлатнинг аниқ мақсадга йўналтирилган тадбирлари тизимидан иборат.


ИҚТИСОДИЙ СИЁСАТ ЧОРАЛАРИ
Товарларни ва (ёки) транспорт воситаларини божхона ҳудудига олиб киришга ва ушбу ҳудуддан олиб чиқишга доир чекловлар бўлиб, улар квота белгилашни, лицензиялашни, шунингдек мамлакат иқтисодиётининг жаҳон хўжалиги билан ўзаро ҳамкорлигини тартибга солишнинг бошқа чора-тадбирларини ўз ичига олади.


ИҚТИСОДИЙ РЕСУРСЛАР - табиий, инсоний, моддий, молиявий ва интеллектуал ресурслардан иборат.


ИҚТИСОДИЙ ЎСИШ - ялпи миллий маҳсулот (соф миллий маҳсулот, миллий даромад) йиллик миқдорини мутлоқ ўсишидир.


ИЧКИ МИЛЛИЙ МАҲСУЛОТ - бир йил давомида мамлакатда юридик ва жисмоний шахслар томонидан ишлаб чиқарилган пировард маҳсулот ва хизматларнинг бозор баҳосидаги қиймати.


«INCOTERMS»
INCOTERMS – Товарларни етказиб бериш шартлари. Ташқи савдо битимларини амалга оширишда харидор ва сотувчининг мажбуриятларини аниқлайдиган савдо терминларини талқин этиш бўйича халқаро қоида.
Товарларни етказиб бериш шартлари 4 гуруҳга (E, F, C, D) бўлинган ва 11 шартдан иборат:
E – EXW;
F – FCA, FAS, FOB;
C – CPТ, CFR, CIP, CIF;
D – DAT, DAP, DDP.


КВОТА - давлат ва халқаро ташкилотлар томонидан товарларни ишлаб чиқариш, уларни экспорт ва импорт қилиш юзасидан чекланишларни жорий этилиши. К. шартларини бузган мамлакат ёки корхона иқтисодий жиҳатдан жазоланади. К. ўрнатишдан мақсад бозордаги нарх-навони тартибга солиб туришдир.