Давлат божхона хизмати органларига

ПАССИВ - бухгалтерияда баланснинг буромад, харажат, чиқим қисми; корхона, муассаса ва шу кабиларнинг мажбурият ва қарзлари мажмуи.


РЕВАЛЬВАЦИЯ
Миллий валюта пул бирлиги расмий курсини халқаро валюта бирликларига (АКШ доллари ёки еврога) нисбатан кўтариш. Инфляция бартараф этилгандан кейин пул муомаласини барқарорлаштиришга хизмат қилади.


РЕФЛЯЦИЯ
Ишлаб чиқаришнинг ўсиши ва пул қадрининг кўтарилиши натижасида бозорда тушиб кетган нархларни олдинги даражасига тиклаш. Рефляция иқтисодиётнинг жонланиши вақтида бундай жонланишни барқарор сақлаб туриш мақсадида амалга ошириладиган чора ҳисобланади.


РЕНТАБЕЛЛИК
Маълум бир давр мобайнида корхона фаолияти фойдалилиги (зарар кўриб ишлаши)ни характерлаб беради, маҳсулотни сотишдан келадиган фойданинг шу маҳсулотни ишлаб чиқариш харажатларига нисбати.


ЎЗБЕКИСТОН РЕСПУБЛИКАСИНИНГ РЕЗИДЕНТЛАРИ
ЎзР фуқаролари;
ЎзРда доимий яшаш жойи бўлган чет эл фуқаролари ва фуқаролиги бўлмаган шахслар;
ЎзРнинг ҳудудида рўйхатдан ўтган юридик шахслар;
ЎзРнинг иммунитет ва дипломатик имтиёзлардан фойдаланадиган хориждаги дипломатия ҳамда бошқа ваколатхоналари, шунингдек ЎзР ташкилотларининг чет элдаги, хўжалик ёки бошқа тижорат фаолияти билан шуғулланмайдиган ваколатхоналари.


СОФ ФОЙДА - корхона молиявий фаолияти натижасида кўрилган даромаддан маҳсулот таннархи ва солиқлар ҳисобланганидан сўнг корхона ихтиёрида қолдирилган фойда.


СОФ МИЛЛИЙ МАҲСУЛОТ - (СММ) -ялпи миллий маҳсулотдан амортизация ажратмалари суммасини чегириб ташлангандан қолган қиймат суммаси.


САЛЬДО - (итал.saldo-ҳисоб.қолдиқ)- қолдиқ, маълум бир муддатда кирим ва чиқим орасида вужудга келган фарқ; бухгалтерияда- дебет ва кредит, умумий актив ва пассив ўртасидаги тафовут, фарқ; халқаро савдода- экспорт ҳамда импорт ўртасидаги фарқ.


САНАЦИЯ - давлат ёки йирик банк ёрдамида катта корхона ва фирмалар синишининг олдини олиш чора-тадбирлари.


СОЛИҚЛАР - давлатнинг корхоналар, ташкилотлар ва аҳолидан ундирадиган пул маблағлари, миллий даромадни иқтисодий ва ижтимоий тараққиёт вазифаларига мувофиқ тақсимлаш ва қайта тақсимлашни таъминловчи молия механизмининг муҳим воситаларидан бири, давлат томонидан тартибга солинади.