шаффоф интерфейс ингл: transparent interface рус: прозрачный интерфейс Туташувчи дастурий-аппарат воситаларига ўзгариш ва қўшимчалар киритилишини талаб қилмайдиган интерфейс (фойдаланувчига
сезилмайдиган интерфейс).
шовқин ингл: noise рус: шум 1 телеком. Линияда сигналларнинг
бутлигига халал берувчи тўсиқ. Шовқин турли манбалардан чиқиши мумкин, шу жумладан, радиотўлқинлар, яқинда жойлашган электр симлари, чироқлар ва сифатсиз уланишлар. Оптик толали кабелларнинг металл кабелларга нисбатан афзаллиги шундаки, улар
шовқин таъсирига камроқ мойилдирлар.
2 Сигнални ёки хабарни соф узатишга
тўсқинлик қиладиган ҳамма нарса. Масалан, онлайн форумдаги шовқин, форум мавзусига алоқаси бўлмаган кўп сонли хабарлар мавжудлигини билдиради.
шовқинсимон сигнал ингл: spread spectrum signal рус: шумоподобный сигнал Танланган частота полосасида кўп гармоник (синуссимон) ташкил этувчиларни ўз ичига олган сигнал. Бундай сигналлардан фойдаланиш маълумотлар узатишнинг шовқинга бардошлилигини кучайтиради,
радиоканалларни электромагнит
шовқинлардан ва турли аралашувлардан яхши муҳофазани таъминлайди.
шовқинсимон сигналли радиотармоқ ингл: spread spectrum radio network рус: радиосеть с шумоподобными сигналами Шовқисимон сигналлар узатиладиган
локал радиотармоқ. Бу тармоқнинг ишлаш тамойили кодли ажратишдан фойдаланиб кўп томонлама фойдаланишни қўллашга асосланган. Бу тармоқда сигналларни узатишда, маълумотларнинг ҳар бир блоки,
чипс деб аталувчи битлар кетма-кетлиги билан кодланади. Чипслар шовқинсимон сигналга тизилади ва эфир орқали узатилади. Узатилган дискрет сигнални қайта тиклаш махсус процессор ёрдамида амалга оширилади. Шовқинсимон сигналли радиотармоқ тизимлари ихчам, арзон ва электромагнит халал берувчи тўсиқлар таъсирида ҳам ишончли ишлайди.
Ээ
экран ингл: screen рус: экран 1 Ахборотни акс эттириш учун ишлатиладиган юзанинг қисми ёки қурилма. қ: монитор
2 хавф. Тармоқлараро муҳофазалаш
воситаси. қ: брандмауэр.
3 телеком. Ўтказгичлар атрофида уларнинг остидан ўрнатилган ўтказгичларга қарши майдонлар томонидан кўрсатиладиган электростатик ёки электромагнит таъсирни бартараф этиш учун жойлаштирилган металл қатлам.
4 апп. Электр ва магнит майдонлар ўтишини сезиларли камайтирувчи ёки объектлар ёхуд одамларнинг хавфли кучланиш остида ишлаётган схема компонентлари ёки элементларига тасодифан тегиб кетишнинг олдини олувчи экран ёки корпус.
экранлаш ингл: screening рус: экранирование Тармоқлараро экран вазифаси. У рухсатсиз ташқи қисмдан келаётган сўровларга эътибор бермай, ички қисм объектларининг хавфсизлигини сақлаб туриш имконини беради.