Dasturiy injiniringning asosiy tushunchalari

Dasturiy injiniring usullari va uslublaridan qay biri eng muhimini aniqlashning eng yaxshi omili ishlab chiqilayotgan dastur turiga bog’liq. Turli xil turdagi ilovalar mavjud, bulardan:

Barcha turdagi dasturiy ta'minot tizimlariga taalluqli bo’lgan dasturiy injiniring asoslari mavjud:

1. Ular boshqariladigan va tushunarli rivojlanish jarayonidan foydalangan holda ishlab chiqilishi kerak. Dasturiy ta'minotni ishlab chiqaruvchi tashkilot ishlab chiqish jarayonini rejalashtirishi va nima ishlab chiqishi kerakligi va qachon tugallanishi haqida aniq tasavvurga ega bo'lishi kerak. Albatta, foydalanish kerak bo'lgan aniq jarayon ishlab chiqayotgan dasturiy ta'minot turiga bog'liq.

2. Ishonchlilik va unumdorlik barcha turdagi tizimlar uchun muhim ko’rsatkich hisoblanadi. Dasturiy ta'minot kutilganidek, nosozliklarsiz ishlashi kerak va kerak bo'lganda foydalanish imkoni mavjud bo'lishi kerak. U ishlash jarayonida xavfsiz bo'lishi kerak va iloji boricha tashqi hujumdan himoyalangan bo'lishi lozim. Tizim samarali ishlashi va resurslarni isrof qilmasligi kerak.

3. Dasturiy ta'minot spetsifikatsiyasini hamda talablarini tushunish va boshqarish (dasturiy ta'minot nima qilishi kerak) muhim ahamiyatga ega. Tizimning turli mijozlari va foydalanuvchilari tizimdan nimani kutayotganliklarini bilish kerak va foydali tizim byudjet doirasida va rejaga muvofiq yetkazib berilishi uchun ularning extiyojlarini boshqara olish zarur.

4. Mavjud resurslardan samarali foydalanish lozim. Bu shuni anglatadiki, agar kerak bo'lsa, yangi dasturiy ta'minotni yozishdan ko'ra, allaqachon ishlab chiqilgan dasturiy ta'minotni qayta foydalanish kerak.

1.3. Internet uchun dasturiy injiniring (Internet software engineering)

Internet va World Wide Web ning rivojlanishi hayotimizning barcha sohalariga katta ta'sir ko'rsatdi. Dastlab, Internet asosan hamma uchun ochiq bo'lgan ma'lumotlar ombori bo'lib, dasturiy ta'minot tizimlariga unchalik ta'sir qilmadi. Ushbu tizimlar mahalliy kompyuterlarda ishlaydigan va faqat tashkilot ichidan foydalanish imkoniyati mavjud edi. Taxminan 2000-yillarda Internet rivojlana boshladi va brauzerlarga ko'proq funksiyalar qo'shila boshlandi.