Dastur tuzish

So`rovni o`zgartirish
Yozuvlarni natijaviy to`plamida so`rovni o`zgartirish (masalan, ustunni ko`chirish) uning spesifikasiyasida aks ettirilmaydi. So`rov qayta bajarilganda ko`chirilgan ustun joriy pozitsiyasida paydo bo`ladi. So`rov parametrlarini konstruktor holatida o`zgartirish tavsiya qilinadi.
So`rov konstruktori holatida quyidagi o`zgartirishlarni bajarish mumkin:
yangi mezonlar berish;
saralash usulini o`zgartirish;
maydonni aks ettirishni bekor qilish yoki o`rnatish;
hisoblanuvchi ifodalarni qo`shish,o`chirish yoki o`zgartirish;
maydonlarni qo`shish, o`chirish yoki ko`chirish.
Agar foydalanuvchi yangi yoki o`zgartirilgan so`rovni Access da ishlashning bir nechta seansida qo`llamoqchi bo`lsa, u holda u so`rovni Fayl menyusinig Soxranit buyrugi yordamida saqlab qo`yishi zarur. So`rovni birinchi bor saqlashda so`rovga nom berish uchun Soxraneniye obyekta muloqot oynasi ochiladi. So`rov shu nom bilan ma`lumotlar bazasi oynasidagi so`rovlar ro`yxatida paydo bo`ladi. Ko`p maydon, mezon va Funksiyalarga ega murakkab so`rovlarni saqlash tavsiya etiladi. Shunga eotibor berish zarurki so`rovning bajarilish natijalari emas, balki spesifikasiyasi saqlanadi. So`rovlarni yopishda ma`lumotlarning Recordset dinamik to`plami yo`qotiladi. Shuning uchun uni Fayl menyusining Soxranit buyrugi yordamida alohida saqlab qo`yish zarur. 

So`rovlarni taxrirlash
So`rovlarni taxrirlash konstruktor holatida amalga oshiriladi. Bu holat ma`lumotlar bazasi oynasidagi Konstruktor tugmasini bosish orqali o`rnatiladi. So`rovga maydon qo`shish uchun uni konstruktor oynasining yuqori qismidagi maydonlar ro`yxatidan spesifikasiya sohasining uni qo`yish zarur bo`lgan ustuniga ko`chirib o`tkaziladi. Bu ustunda joylashgan maydon va undan o`ngda joylashgan barcha maydonlar bir ustun o`ngga suriladi. Maydonni o`chirish uchun u belgilanadi va [Del] tugmasi bosiladi yoki Pravka menyusining Udalit buyrugi bajariladi. Joylashishi o`zgartirilishi lozim bo`lgan maydon xam oldindan belgilanadi. Maydonni ko`chirishda oldindan tanlangan pozisiyada joylashgan maydon xamda undan o`ngda joylashgan barcha maydonlar o`ngga suriladi.