Darsning texnologik xaritasi mavzu

MASHQLAR BAJARISH

150-mashq. O'qing. Matndan o'zingizga qanday xulosalar chiqarasiz?

Bir kishining Ali va Vali ismli ikki o'g'li bor edi. Ali qanoatli, Vali qanoatsiz edi. Bir kuni otasi bozordan olma olib kelib, bolalarini sinamoq uchun chaqirib: «Mana, sizga olma beraman», - dedi. Vali tezlik bilan kelib: «Otajon, menga hammasini bering»,, - dedi. Ali sekingina kelib: «Menga bitta olma bersangiz bo'ladi», - dedi. Otasi Alining qanoatiga ofarin o'qib, quchog'iga olib, peshonasidan o'pdi va ikkita olma berdi. Ammo Valiga olma bermak qayda, balki: «Qanoatsiz bo'lma!», - deb dakki berdi.

Qanoat birla qorin to'ydirursiz, Qanoat bo'lmasa ko'p och bo'lursiz. Qanoatsiz kishi bag'rini dog'lar, Qanoatlik kishi og'zini yog'lar.

topshiriq. Matn mazmuniga mos sarlavha toping. Qanoat yoki qanoatsiz- lik haqida hadis va maqollar keltiring.

topshiriq. Qanday?, qancha?, nechta?, kimning? so'roqlariga javob bo'lib, otga bog'langan so'zlarni so'z birikmasi shaklida ko'chiring.

151-mashq. Matnni ko'chiring. Aniqlovchilarni topib, ostiga chizing.

Mana, poliz o'rtasidagi supachada o'tiribmiz. Oqshom, salqin. Osmonda yulduzlar kul bosgan cho'g'dek miltillaydi. Qo'shnipolizdagi bolalarning qiyqirig'i, itlarning vovullashi, qayerdandir yoqimli ashula tovushi eshitiladi.

152-mashq. Kuz fasli to'g'risida kichik matn tuzing. Unda ishlatilgan aniqlovchilarni toping.

153-mashq Gaplardagi to'ldiruvchi va hollar oldiga ularga mos aniqlovchi qo'yib ko'chiring.

Namuna: Elyor maktabda o'qiydi. -Elyor bizning maktabda o'qiydi.

l.Kecha uyingizga borgan edik.

2. Alisher she'rini bizga o'qib berdi.

3. Qushlarni boqish menga yoqadi.