Darsning maqsadi: Ta`limiy

Yangi mavzu bayoni:

Yoshlar hamma zamonlarda ham milliy suyanchi, xalqning tayanchi bo’lib kelgan. Shuni nazarda tutib “Yoshlar- Vatan kelajagi ” deyiladi. O’zining kelajagini o’ylagan har qanday davlat avvalo yoshlar tarbiyasiga katta e’tibor beradi.Hozirgi vaqtda yurtimiz, xalqimiz oldida turgan yuksak maqsadlarga erishish uchun mamlakatimizda yosh avlodning har tomonlama kamol topishiga xizmat qiladigan samarali tizim ishlab chiqildi. Bu tizimning qonuniy asosini 1997-yilda qabul qilingan Kadrlar tayyorlash milliy dasturi, “Ta’lim to’g’risida” gi qonun, 2004-yili qabul qilingan maktab ta’limini rivojlantirish davlat umummilliy dasturi, sog’lom avlodni voyaga yetkazish masalasiga doir Prezidentning ko’plab farmon va qarorlari, Vazirlar Mahkamasi qarorlari, davlat dasturlari tashkil etadi.

Ayniqsa , Kadrlar tayyorlash milliy dasturi haqida alohida to’xtalish lozim. Bu dasturga binoan mamlakatimizda mutlaqo yangi ta’lim tizimi joriy etildi. Bu tizim 12 yillik majburiy ta’limni ko’zda tutadi. Ya’ni yurtimiz bolalari dastlab 9 yil umumta’lim maktablarida o’qiydi, 3 yil kasb-hunar koleji va akademik litseylarda tahsil olishadi.

Yangi tizim bo’yicha oily ta’lim ikki bosqichdan- bakalavriat va magistratura bosqichlaridan iborat.

Vatanni ulug’lash uchun barchamiz avvalo zimmamizdagi farzandlik burchimizni sidqidildan ado etishimiz zarur. O’z kasbimizni puxta egallab, amaliy ishimiz bilan ona yurtimiz ravnaqiga hissa qo’shishimiz lozim. Odam uchun kindik qoni to’kilgan qadrdon o’lkaga yashash qanchalik ulug’ baxt bo’lsa, uning kelajagini barpo etish shunchalik katta sharaf.