Darsning maqsadi: Ta`limiy

texnik jihoz: komp’yuter.

didaktik jihoz: Islom Karimovning «O`zbekiston mustaqillikka erishish ostonasida», «Yuksak ma`naviyat – yengilmas kuch» asarlari, mavzuga oid plakat, o`quv qo`llanma va boshqalar.

Darsning borishi:
1.Tashkiliy qism .O`quvchilarni faollashtirish.Davomatni aniqlash.

2.O`tilgan mavzuni so`rash

O`zbekiston Milliy bog`iga Alisher Navoiy nomining berilish sababi?

Milliy bog` qancha maydonni egallagan?

Nechanchi yilda Temuriylar tarixi davlat muzeyi tashkil etilgan?

3. Yangi mavzu bayoni:

Bilim va fazilatda Benazir insonlarning qadami tekkan yoki ular mangu orom topgan,odamlar aziz va muqaddas deb biladigan joylarni qutlug` qadamjolar deymiz.Toshkent shahrining Olmazor tumanida joylashgan Hazrati Imom majmuasi shular jumlasidandir.Hazrati Imom majmuasi Islom Karimov tashabbusi bilan 2007 yili yangidan bunyod etildi.Quruvchilarning aytishicha, masjid minoralarining balandligi 52 metr ekan.Shunisi e`tiborliki, masjidning o`ng tarafidagi minora xorazmlik Ibrohim va Erkin usta boshchiligida 26 kunda, uning chap tomonidagi minora esa samarqandlik Sharif usta rahbarligida 28 kunda qurib bitkazilgan.

Ushbu masjidning shimoli-g`arb tarafida Mo`yi muborak madrasasi joylashgan.Bu madrasa ilk bor 15-asrda qurilib, keyinchalik buzilib ketgan, 1856-1857-yillarda qayta tiklangan.2007-yilda madrasa to`lia ta`mirlanib, yangicha qiyofaga ega bo`ldi.Hozirgi kunda bu yerda muqaddas Qur`on kitobining eng qadimiy asl nusxasi saqlanadi.

Hazrati Imom majmuasida Tilla Shayx jome masjidi, baroqxon madrasasi, Qaffol Shoshiy maqbarasi, Namozgoh masjidi kabi tarixiy yodgorliklar bor.

Buyuk qadamjolar to`g`risida gapirganda, 1999 yilda barpo etilgan Xotira maydonini alohida tilga olish joiz. Bu yerda 2-jahon urushida halok bo`lgan 450 ming nafar yurtdoshimizning ismi sharifi zarhal harflar bilan yozib qo`yilgan.Har bir ziyoratchi avvalo bu yerdagi Motamsaro ona haykali qoshiga borib, ushbu ulug` zotga ta`zim bajo keltiradi.Har yili 9-may – Xotira va qadrlash kuni mamlakatimiz Prezidenti Islom Karimov bu yerga maxsus tashrif buyurib, Motamsaro ona haykali poyiga gul qo`yadi, fashizmga qarshi urushda halok bo`lgan yurtdoshlarimiz xotirasiga hurmat bajo keltiradi. Mamlakatimizda Termiz shahridagi Hakim Termiziy, Buxoro zaminidagi Abduxoliq G`ijduvoniy va Bahouddin Naqshband, Samarqanddagi Imom Buxoriy, Imom Moturudiy, Marg`ilondagi Burhoniddin Marg`inoniy yodgorlik majmualari kabi ko`plab buyuk qadamjolar bor.Yurtboshimiz ,,Yuksak ma`naviyat-yengilmas kuch” asarida bu maskanlar haqida alohida to`xtalib o`tadi.