Darsning borishi

Sana:
Sinf: 3”A” sinf
Dars: Matematika
Mavzu: Uzunlik o`lchov birliklari. Kilometr.
Maqsad:
1.Ta`limiy maqsad: O`quvchilarning uzunlik o`lchov birliklari haqidagi aniq tasavvurlarini shakllantirish. 1000 ichida yozma hisoblash algoritmi bilan tanishtirish. Geometrik shakllarga doir bilimlarini kengaytirish.
2.Tarbiyaviy maqsad: O`quvchilarda mustaqil Vatanimizning buyuk istiqboli,fan,madaniyat,sport sohasida erishilayotgan yutuqlar haqida tushuncha berish orqali milliy va umuminsoniy qadriyatlarni to`laqonli singdirishga erishish.
3.Rivojlantiruvchi maqsad: O`quvchilarning uzunlik o`lchov birliklari haqidagi tasavvurlarini kengaytirish. Uch xonali sonlarni raqamlashga oid bilimlarini rivojlantirish. Mavzuga ongli yondashuv malakalarini takomillashtirish orqali estetik didlarini rivojlantirish.
Dars turi: Yangi bilim,ko`nikma va malaka hosil qiluvchi.
Dars usuli: Aqliy hujum,kichik guruhlarda ishlash,axborot uzatish.
Dars jihozi: darslik, taqratma materiallar, osma ko`rgazmalar, slaydlar, multimediya, testlar, jadvallar, mashinalar rasmi.
Darsning borishi:
1.Tashkiliy qism (psixologik iqlim yaratish): O`quvchilar o`tirgan o`rniga ko`ra 4 guruhga ajratiladi va guruhlarga nom tanlanadi: Kilometr guruhi metr guruhi ,santimetr guruhi ,millimetr guruhlari.
O`quvchilar bilan ingliz tilida salimlashish,navbatchi axborotini tinglash.Kun voqealari haqida qisqacha suhbat.Ayrim matematik atamalarning inglizcha atalishini so`rash: romb, to`rtburchak,aylana,qo`shish, ayirish, 1dan 10gacha sanash.
2.O`tgan mavzuni takrorlash:1-guruh Kilometr guruhi bilan Tezkor savol-javob o`tkaziladi. 2-guruh Metr guruhi bilan test sinovi o`tkaziladi.3-guruh Santimetr guruhi rasm asosida masala tuzib yechadi. 4-guruh Millimetr guruhi o`tilgan mavzuga doir misollarni yechadi. So`ngra uy vazifasi tekshiriladi va o`quvchilar baholanadi. Guruhlar rag`batlantiriladi.
3.Yangi mavzu bayoni:
Uzunlik o`lchov birliklari. Kilometr.
O`qituvchi quyidagi jadval asosida sanoq birliklarini uzunlik o`lchov birliklari bilan taqqoslashni taklif qiladi:

Mingliklar	Yuzliklar	O`nliklar	Birliklar
m	Dm	Sm	Mm
1	0	0	0

O`quvchilarga savollar bilan murojaat qilinadi: Bu yerda necha metr,detsimetr,santimetr va millimetr berilgan?
O`qituvchi: O`lchash ishlarida asosiy o`lchov birligi metr hisoblanadi,qolgan birliklar metrdan hosil bo`ladi.Metrning o`ndan bir qismi (jadvalda yo`nalish chapdan o`ngga qarab ko`rsatiladi) detsimetr (detsi-o`nlik degani) ,yuzdan bir qismi santimetr (santi-yuzlik degani),mingdan bir qismi millimetr (milli-minglik degani) deyiladi.
345-misol birgalikda og`zaki bajariladi:
1sm=10 mm 5 sm 4 mm =54 mm 1 dm=10 sm
1 m=10 dm 8 dm 6 sm =86 sm 1 m=10 sm
346- misol. “Chaqqon hisobchi” o`yini o`tkaziladi. 4 ta guruhga taqsimlab beriladi va musobaqa boshlanadi.
1-guruhga: Sm va mm da ifodalang: 18mm,35mm,60mm,87mm.
2-guruhga: Dm va sm da ifodalang: 23 sm,45 sm,74 sm,90 sm.
3-guruhga: Metr va dm da ifodalang: 17 dm, 38 dm, 54 dm, 100 dm.
G`olib guruh aniqlanadi va guruhlarga rag`bat kartochkalari beriladi.
347-masala..Har bir shaklning tomonlarini o`lchash orqali perimetr va yuzlarini toping. “Mohir quruvchi” o`yini o`tkaziladi.(quruvchilik kasbi, unda geometrik shakllardan qanday foydalanish haqida suhbat o`tkaziladi) Rasmda 5 ta shakl berilgan. 1-shaklning yuzi va perimetri o`qituvchi yordamida birgalikda topiladi. Qolgan 4 ta shakl guruhlarga topshiriladi.
348-masala. Masala sharti o`quvchi tomonidan ovoz chiqarib o`qiladi: “Neksiya” shahardan birinchi qishloqqacha 64 km,birinchi qishloqdan ikkinchi qishloqqacha yana 28 km yo`l bosdi. “Neksiya” hammasi bo`lib necha km yo`l bosgan? O`qituvchi rasm asosida tushuncha beradi. O`quvchilar masalaning qisqacha shartini va yechilishini mustaqil bajaradilar. Tez va to`g`ri yechgan o`quvchilar baholanadi.
Dam olish daqiqasi o`tkaziladi .
Bunda o`quvchilar “Hushyor haydovchi” qo`shig`ini ijro etib, haydovchi harakatlarini bajaradilar. Shu o`rinda o`zbek avtomobil zavodi ,O`zbekistonda ishlab chiqarilayotgan avtomobillar, erishilgan boshqa yutuqlar haqida suhbat o`tkaziladi.
Mavzu yuzasidan quyidagicha qoida keltirib chiqariladi: