Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

“Тўғридан-тўғри 
хорижий 
инвестициялар 
жалб 
этилишини 
рағбатлантиришга оид қўшимча чора-тадбирлар тўғрисида”ги ПФ-4434-
сон Фармони қабул қилинди.Ушбу фармонга кўра хорижий инвесторнинг пул 
шаклидаги улуши 5 миллион АҚШ долларидан кам бўлмаган янгидан 
ташкил этилаётган хорижий инвестициялар иштирокидаги корхоналар давлат 
рўйхатидан ўтган санадан бошлаб 10 йил мобайнида солиқ қонунчилигида 
ўзгаришлар юз берган ҳолларда, юридик шахслардан олинадиган фойда 
солиғи, қўшилган қиймат солиғи, мол-мулк солиғи, ободонлаштириш ва 
ижтимоий инфратузилмани ривожлантириш солиғи, ягона ижтимоий 
тўлов, ягона солиқ тўлови, шунингдек, Республика йўл ҳамда Таълим 
ва тиббиёт муассасаларини реконструкция қилиш, мукаммал 
таъмирлаш ва жиҳозлаш жамғармаларига мажбурий ажратмалар 
тўлашнинг мазкур корхоналар давлат рўйхатидан ўтиш санасида амал қилган 
меъёрлари ва қоидаларини қўллашга ҳақли эканликлари белгилаб берилди. 
Хорижий инвестициялар иштирокидаги корхоналар учун кафолатлар, 
имтиёзлар ва афзалликлар тизими кўлами янада кенгайтирилди. Жумладан, 
Ўзбекистон Республикаси Президентининг 2005 йил 11 апрелдаги ПФ-3594-
сон Фармонида кўзда тутилган солиқ имтиёзлари авваллари 8 та тармоқ 
фаолиятига тегишли бўлган бўлса, ушбу Фармон билан 2012 йилнинг II-
чорагидан бошлаб, хорижий инвестициялар учун имтиёзлар 20 та 
йўналишдаги иқтисодиёт тармоқларида фаолият юритаётган чет эл 
инвестиция иштирокидаги корхоналарга татбиқ этиладиган бўлди. 
Тўғридан-тўғри хусусий хорижий инвестицияларни жалб этадиган 
иқтисодиёт тармоқлари корхоналари инвестициялар ҳажмидан келиб чиқиб, 
фойда солиғи, мулк солиғи, ободонлаштириш ва ижтимоий инфратузилмани 

---

142 
ривожлантириш солиғи, микрофирма ва кичик корхоналар учун белгиланган 
ягона солиқ тўлови, шунингдек Республика йўл жамғармасига мажбурий 
ажратмалар тўлашдан озод қилиш кўринишида солиқ имтиёзлари берилган. 
Тўғридан-тўғри хусусий хорижий жалб қилинган инвестициялар ҳажми: 
300 минг АҚШ долларидан 3 млн. АҚШ долларигача бўлганда – 3 йил 
муддатга; 
3 миллиондан 10 млн. АҚШ долларигача бўлганда – 5 йил муддатга; 
10 млн. АҚШ долларидан ортиқ бўлганда – 7 йил муддатга солиқ 
имтиёзларидан фойдаланиши мумкинлиги белгиланган.