Дарслик Бакалавриат йўналиши: 5140800-педагогика ва психология талабалари учун дарслик

Таянч иборалар
Амнезия (лот. А - инкор етиш, мнесус - хотира) - миянинг турли қисмларининг жароҳатланиши натижасида хотиранинг йўқолиш ҳолати.
Ассосиасия (лот. ассоcиатио - бирлаштирмок) - психик ҳодисалар орасидаги ўзаро боғланиш, у маълум қонунлар бўйича таркиб топади (жумладан, фазодаги ёндошлик, хронологик ўхшашлик, қарама - қаршилик ва б.).
Мантиқий хотира - хотира турларидан, материални маъно томондан ўзаро боғланган ҳолда тушуниб есда қолдиришга асосланади.
Механик хотира (юнон. Мечане - қурол, машина) - материалнинг маъносига тушунмагаи ҳолда
такрорлашдан иборат хотира.
Оператив хотира (лот. орератио - ҳаракат) - хотира турларидан бири. Бй маълум фаолиятни бажариш жараёнида ифодаланади, узоқ муддатли хотирадан вақтинча фойдаланади.
Парамнезия (юнон. рара - олдида, ёнида мносис - еслаш) - содир бўлаётган воқеаларнинг қачонлардир бошдан кечирилгандек бўлиб туюлишидан иборат хотира касаллиги.
Проактив тормозланиш (лот. проактивус - ўта фаол. юнон. тормоз) - аввалги фаолиятнинг қайта - қайта кун такрорланиши натижасида кейинги материалларни есга туширишнинг ёмонлашуви.
Реминиссенсия (лот. реминисcентиа - есламоқ) - аввал унутилган деб ҳисобланган материалларнинг кейинчалик есга тушишидан иборат хотира жараёни, яъни вақтинчалик унутиш
ҳолати.
Ретроактив тормозланиш - (лот. Ретру - орқага, аcтивус - фаол, ҳаракатчан) - олдин еслаб қолинган материалларни кейинги фаолият таъсирида вақтинча унутиш.
Таниб олиш - олдин есда қолдирилган нарсаларни қайта идрок қилиш орқали образ
тариқасида есга туширишдан иборат хотира жараёни.
Узоқ муддатли хотира - хотира турларидан. Бу билимларни, шу билан бирга кўникма ва малакаларни узоқ вақтгача есда сақлашни таъминлайди, ҳамда ғоят кўп ҳажмдаги ахборотни есда тутиш билан характерланади.
Унутиш - олдин есда олиб қолинган маълумотларни кейинчалик қайта есга тушира олиш имкониятининг йўқлиги жараёни.