Дарслик Бакалавриат йўналиши: 5140800-педагогика ва психология талабалари учун дарслик

Шунга кўра психологиянинг тамойиллари қуйидагича:
1. Детерминизм тамойили;
2. Онг ва фаолият бирлиги тамойили;
3. Психика ва онгнинг фаолиятда ривожланиши тамойили.
Психология тамойилларининг жадвал кўриниши.


Тамойил - маълум фаолиятни бажаришда таяниладиган дастлабки қоидалар тизимидир. Детерминизм тамойилига кўра, психика яшаш шароити билан белгиланади ва шароит ўзгариши билан ўзгаради. ҳайвонлар психикасининг тараққиёти табиий сараланиш билан, одам психикаси тараққиёти еса ижтимоий тараққиёт қонунлари билан белгиланади.
Онг ва фаолият бирлиги тамойилига кўра, онг ва фаолият бир-бирига қарама-қарши ҳам, айнан бир нарса ҳам емас. Улар бир бутунликни ташкил етади. Онг фаолиятни ички режасини, дастурини ташкил етади. Бу тамойил психологларга инсон хулқ-атвори, хатти-ҳаракатлари ва фаолиятларини ўрганиш орқали хатти-ҳаракатлардан кўзланган мақсадларга, муваффақиятларга еришишни таъминловчи ички психологик механизм, яъни психикани объектив қонуниятларини очишга имкон беради.
Психика ва онгнинг фаолиятда тараққий етиш тамойилига кўра, психикага тараққиёт маҳсулоти ва фаолият натижаси деб қаралса, уни тўғри тушуниш ҳамда тушунтириб бериш мумкин. Бу тамойил Л.С.Вигоцкий, С.Л.Рубинштейн, В.М.Теплов каби психологлар ишларида ўз аксини топган. Л.С.Вигоцкий таълим психикани ривожлантиришга йўналтиришини, П.П.Блонский еса тафаккурнинг кичик мактаб ёшида ўйинлар билан ўспиринлик ёшида ўқиш билан боғлиқ тарзда ривожланишини таҳлил қилди. С.Л.Рубинштейн "Онг фаолиятда пайдо бўлиб, фаолиятда шаклланади" деган еди.
Ҳозирги замон психологиясининг тузилиши
Ҳозирги замон психология соҳалари ҳозирги кунга келиб 300 дан ортиқни ташкил қилади. Бу соҳалар ўзига хос объектга ега бўлиб, бир-биридан фарқ қилади. Шу боис фан соҳаларини ўрганиш қулай бўлиши учун тармоқларни маълум тизимга келтириш мақсадида маълум гуруҳларга таснифлаш жорий қилинган. Бу борада профессор А.В.Петровский психология фан соҳаларини қуйидагича таснифлашни илгари сурди:

•