Darslarda multimediali vositalardan foydalanishda uchraydigan muammolar va ularni hal qilish

DARSLARDA MULTIMEDIALI VOSITALARDAN FOYDALANISHDA
UCHRAYDIGAN MUAMMOLAR VA ULARNI HAL QILISH
Annotatsiya: Ushbu maqolada darslarda multimediali vositalardan foydalanishda uchraydigan muammolar va ularni hal qilish masalalari to’g’risida mulohaza yuritilgan.
Kalit so’zlar: dars, muammo, multimedia, vosita, axborot, interaktiv, dastur, innovatsiya, ta’lim. 2017-yil 10-aprelda “Ta’lim to‘g‘risida”gi va “Kadrlar tayyorlash milliy dasturi to‘g‘risida”gi O‘zbekiston Respublikasi qonunlariga muvofiq, umumta’lim fanlarini o‘qitishning uzluksizligi va izchilligini ta’minlash, zamonaviy metodologiyasini yaratish, umumiy o‘rta va o’rta maxsus, kasb-hunar ta’limi Davlat ta’lim standartlarini kompetensiyaviy yondashuv asosida takomillashtirish, o‘quv-metodik majmualarning yangi avlodini ishlab chiqish va amaliyotga joriy etishni tashkil etish maqsadida Vazirlar Maxkamasining qarori qabul qilindi. Mazkur qarorga muvofiq ta’lim jarayonida o‘quv darsliklarining yangi avlodini yaratish maqsadida Respublikamizda bir qator ishlar amalga oshirilmoqda. Umumta’lim maktablarida 10-11 sinflar tashkil etilganidan
so‘ng yangi darsliklar, o‘quv qo‘llanmalar yaratildi. Ta’lim tizimini zamonaviy axborot va kommunikatsion texnologiyalarining usul va vositalarini keng miqyosda joriy etish va takomillashtirish natijasida ta’lim muammolarini, shu jumladan o‘quv-tarbiya jarayonining barcha bosqichlarini intensivlashtirish, zamonaviy axborot texnologiyalaridan foydalanuvchilar, informatika va hisoblash
texnikasi, dasturiy ta’minot sohasida mutaxassislar tayyorlash, o‘quv adabiyotlarining yangi avlodini yaratish kabi bir qator muammolarni hal etish mumkin bo‘ladi. Ta’lim tizimida ayniqsa multimedia vositalarining ahamiyati katta hisoblanadi. Ta’limda multimedia vositalaridan foydalanishning umumiy bo‘lgan birmuncha salbiy taraflari ham mavjud. Ular jumlasiga diqqatning bo‘linishi, materiallarni yaratishdagi murakkabliklar, vaqtning ko‘proq talab etilishi, dasturiy ta’minot va texnika vositalarini sozlash va foydalanishda vujudga keladigan muammolar, axborotlarni kompyuter ekranidan o’qish jarayonidagi qiyinchiliklar
va boshqa jihatlar kiradi.