Dars –muqaddas

Tashkiliy qism: 2 daqiqa
Salomlashgach, davomat aniqlanadi. O`quvchilarga o`rganiladigan mavzu darslikda yo`qligi aytilib, 1 soatlik dars qo`llanmasi tarqatiladi va o`quvchilar 3 kichik guruhga bo`linadi. O`qituvchi guruhlarni shartli ravishda “Iqtidor”, “Bilimdon”, “Iste’dod” deb atashi mumkin. Ularga “Eng faol o`quvchi”, “Eng yaxshi husnixat egasi”, ”Eng bilimdon o`quvchi” nominatsiya g`olibi bo`lish uchun bir qancha topshiriqlardan o`tish va “SMS varaqalari” natijasi orqali aniqlanish tushuntiriladi.
Uy vazifasi o`tilgan mavzularni o`qib kelish. (“Shum bola” o`yini orqali nazorat qilinadi).
O`yin tartibi:

Shum bolaning yolg`on so`zlaydigan odati bor. “Yolg`onning umri qisqa” deydilar. O`tilgan mavzular bo`yicha shum bola har 3 guruhga 2 ta ma’lumot aytadi. Qo`lidagi do`pni tutgan o`quvchi aytilgan ma’lumotning rost yoki yolg`onligini fosh etadi , ya’ni yolg`on ma’lumot aytilsa, koptokni olgan o`quvchi darhol o`rnidan turishi lozim. Shu tariqa qisqa vaqt ichida o`quvchilarning uy ishiga tayyorligi aniqlanadi. Bu usul uy vazifasini tekshirishda o`qituvchiga yaqindan ko`mak beradi.

Masalan, hozirgi zamon nutq jarayonidan oldin yuz beradigan yoki yuz bermaydigan harakat-holatni bildiradi. (o`tgan zamonligini bilib, o`quvchi o`rnidan tursa, guruhiga rag`bat kartochkasini olib beradi.)
DIQQAT, YANGI MAVZU!

Yangi mavzu e’lon qilingach, slayd orqali 1-topshiriq namoyish etiladi. Savollarga guruhlar o`zaro maslshatlashib, javob beradilar.

1. Bilyapman, boryapman so`zlaridan rasm asosida gap tuzing.
(Yangi mavzu bo`yicha o`quvchilar tomonidan bildirilgan fikrlar umumlashtirilib, guruhlarga ball qo`yiladi. O`qituvchi tomonidan ko`rgazma va slaydlar yordamida yangi mavzu tushuntiriladi)


B ILIB OLING!
Hozirgi-kelasi zamon fe’li -a –y qo`shimchalari bilan yasalgan
ravishdoshlarga tegishli shaxs-son qo`shimchalarini qo`shish bilan hosil bo`ladi.