Dana ananıń keńesleri

Dana ananıń keńesleri
Aqlıǵı kempir apasınıń bir nárse haqqında jazıp atırǵanın kórip soradı:
‒ Ana, men tuwralı jazıp atırsań ba?
Ájesi qálemin qoyıp, aqlıǵına kúliimsirep bılay dedi:
‒ Durıs taptıń, sen tuwralı jazıp atırman.Biraq, meniń ne jazıp atırǵanımdı emes, ne menen jazıp atırǵanım áhmiyetlirek. Men seniń úlkeygenińde nına qálemdey bolǵanıńdı qáler edim.
Aqlıǵı qızıqsınıp,qálemge qaradı, biraq onıń heshbir ózgesheligin tappadı.
‒Bul da basqa qálemlerdey ǵoy!
—Bári zatqa qanday kózqarasta ekenińe baylanıslı. Bul qálemniń bes túrli qásiyeti bar.eger sen dúnya menen kelisimde jasawdı qáleseń,usı bes qásiyetke iye bolıwıń kerek.
Birinshiden: sen asa talantlı dana bolıwıń múmkin, biraq seni baǵdarlap turǵan qol bar ekenin umıtpa.Sen sol kúshke isen hám onı seziwdi úyren.
Ekinshiden: men men jazıwım ushın qálemniń ushın qayta –qayta shıǵaraman.Bul ushın ol azap shegedi,biraq qálem keyin jińishkerek jazadı, qıyınshılıqqa shıday bil. Demek, sonda hasıl adamǵa aylanasań.
Úshinshiden: eger qálemnen paydalansań, qátelesken jerińdi óshirgish penen óshirip, dúzetiwge boladı. Demek, óz qáteńdi dúzetiw jaman is emes. Bunı tuwrı joldan barıwdıń shárti desek te boladı.
Tórtinshiden: qálemniń eń áhmiyetli jeri, onıń qanday aǵashtan islengeni emes, onıń ishindegi grapit. Sonıń ushın sen bárhula dúnyada ne bolıp atırǵanına itibar ber.
Besinshiden: qálem bárha iz qaldıradı. Sen de óz isiń menen iz qaldırasań. Sonıń ushın ne isleseń de oylanıp isle. (jurnaldan)


Tapsırma:
1.Temaǵa sáykes joba dúziń.
2. Berilgen teksttiń mazmunın óz pikirlerińiz benen tolıqtırıp, dóretiwshilik bayan jazıń.

Eń ullı kásip
Burınǵı ótken zamanda bir patshanıń qızı bolǵan eken. Patsha qızın aqıllı, dana, miynetkesh jigitke bermekshi bolıptı. Ol bas wázirin shaqırıp:
—Eger de kim dúnyadaǵı eń ullı kásipti iyeles hám tawıp kelse, soljigitke qızımdı beremen, — depti. Wázir bunı xalıqqa oqıp esittiripti. Bul gápti esitken wázirdiń balası patshaǵa barsa, patshanıń aldında úsh igit turǵan eken.
Birinshi jigit:
—Dúnyadaǵı kásiplerdiń ullısı —bul ustazlıq kásibi.Sebebi, ustaz jas áwladtı tárbiyalap, ilim-bilim sırların úyretedi. Men sol ushın da ustazlıq kásibin tańladım, —depti.
Ekinshi jigit:
‒ Dúnyadaǵı eń ullı kásip— baǵmanshılıq. Óytkeni baǵman átipatpı kóklemzarlastıradı, ttúller egip, álemdi gózzallıqqa bóleydi. Al miyweleri bolsa, xalqımızsturqanın toltırıp turadı, — depti maqtanıp.
Al úshinshi jigit:
— Dúnyadaǵı eń ullı kásip— bul táwipshilik kásibi, ol adamlardı emleydi. Táwir bolǵan nawqas oǵan raxmetin aytadı, —depti.

Bul úshewiniń de sózlerin tıńlap turǵan wázirdiń balası:

—Dúnyada jaman kásiptiń ózi bolmaydı. Qaysı kásip úlken yamasa kishi bolsa da adamlar ushın paydası, úlesi bar. Sonıń ushın da kásipledi jaman dewge bolmaydı, —dep juwap beripti.
Patha bul jigittiń juwabına kewli tolıp, oǵan qızın beripti. Solay etip olar tınısh-tatıw jasap,murat-maqsetine jetipti.



Tapsırma:
1.Temaǵa sáykes joba dúziń.
2. Berilgen teksttiń mazmunın óz pikirlerińiz benen tolıqtırıp, dóretiwshilik bayan jazıń.