Daftarlardan to`G`ri foydalanish usullari jdpi 1-bosqich talabasi Norqulova. N. Ilmiy rahbari jdpi katta o`qituvchisi Shukurova. H. S. Annotatsiya

DAFTARLARDAN TO`G`RI FOYDALANISH USULLARI


JDPI 1-bosqich talabasi Norqulova.N.
Ilmiy rahbari JDPI Katta o`qituvchisi
Shukurova .H.S.


Annotatsiya. Ushbu maqolada daftarlarni to`g`ri yuritish haqida to`xtalib o`tilgan.
Kalit so`zlar: o`quv qurollari, kitob, daftar, ruchka, qalam, bo`rlar, doska, chizg`ich, yozuv yo`li, harf bo`yi, chiroyli yozuv.

Boshlang‘ich sinfda o'qitish jarayonida biz juda ham ko‘p o'quv qurollaridan foydalanamiz. Ularga misol qilib: kitob, daftar, ruchka, qalamlar, rangli qog‘ozlar, bo'rlar, doska, chizg'ich shu va shu kabilarni misol qilib keltirishimiz mumkin.

Bunda bizga barcha o'quv qurollari juda ham katta ahamiyatga ega. Lekin, bunda biz uchun daftarlarning o‘rni beqiyosdir. Chunki, mening o‘qituvchim aytganidek ,, Daftar bu har bir o‘quvchining yuzidir''. Men aynan shuning uchun ham shu mavzuni yoritib berishga qaror qildim.
Daftardan foydalanish har bir inson hayotida juda muhim ahamiyatga egadir. Bu jarayon, albatta, ,, Boshlang‘ish sinf''da shakllanadi. Shuning uchun ham biz, avvalo, boshlang‘ich sinf o'qituvchisi bo'lar ekanmiz birinchi o'rinda asosiy ishni o'quvchilarimizga maktabda o‘quv qurollaridan to'g‘ri foydalanishni o'rgatishimiz, daftarlardan to'g'ri va tartibli foydalanishga odatlantirishimiz kerak. Negaki, inson faoliyat ko'rsatar ekan uning qay darajada tartib, intizom, odob, axloq qoidalariga rioya qilishini birgina u yuritayotgan daftarlarning holatidan ham bevosita anglab, fahmlab olishimiz mumkin bo'ladi. Shuning uchun ham biz o'quvchilarning daftardan to'g‘ri foydalanish jarayoniga bee'tibot bo'lmasligimiz lozim.
Oʻquvchilar uchun asosiy oʻquv materiali boʻlgan daftarni yuritishda mutaxasislar tomonidan quyidagi talablar qoʻyiladi:
1. Daftarni toza va aniq yozish
2. Daftar muqovasiga yozuvlar yagona talab asosida yozilishi, daftar qaysi fan uchun tutilganligi, oʻquvchining nechanchi sinf ekanligi, oʻqiyotgan maktabining soni, yoki nomi, qaysi shahar yoki tumanda joylashganligi, oʻquvchining ismi va sharifi aniq koʻrsatib oʻtilgan boʻlishi shart.