Д. Раҳматуллаева, У. Ходжаева, Ф. Атаханова

Италия - юмшоқ гламур. 
70 - йиллар ўрталарида Париж модасига 
Италия модаси қаршилик қилди. Мамлакатнинг ўз ичкарисида Рим, 
Флоренция ва Милан мода пойтахти унвонини талашар эди. Бу мусобақада 
Милан енгиб чиқди. Тарихий жиҳатдан Италияда тўқимачилик индустрияси 
жуда ривожлангани туфайли унинг мануфактураларида люкс тоифали 
матоларнинг катта қисми ишлаб чиқариларди. 70-йилларда Валентино Уйи 
ва Мила Уйи кенг шуҳрат топди. Кейинроқ уларга Жоржио Армани ва 
Жанни Версаче келиб қўшилди, улар энди 80-йилларнинг буюк моделчилари 
эди. 
Итальянча услуб ёрқинлиги, беозор дабдабалилиги ва ҳаётбахшлиги 
билан ажралиб туради, бу сифатлар орасталик ва меъёр туйғуси билан 
қўшилиб кетарди. Масалан, 1971 йилда макси кийимлари ўрниги мини 
келганида, Валентино (тўлиқ исми шарифи – Валентино Клементе Людовико 
Гаравани) тагидан мини шорт кийиладиган қирқими баланд узун юбкани 
таклиф этди. 
Италия модасида баъзан мато асосий роль ўнайди. Буни жумладан, 
матода мураккаб нақшли расмлари билан шуҳрат топган Миссони Уйи (1953 
йилда очилган) ҳақида ҳам гапириш мумкин. Миссони ранг-баранаг илонизи 
каштали янги тўқув технологиясини ўйлаб топди. Бунинг учун у 1973 йилда 
Нейман Маркус обрўли мукофотлардан бирини олди. Бу оилавий Уйнинг 
(кўпчилик италия мода компаниялари каби) ўзига хос хусусияти шакл ва 
бичиқ эмасди, балки капалакнинг етти рангида товланувчи мато эди. Матога 
хос қулайлик ва ёрқин бўёқлар Миссони кийимларини 70-йилларда жуда 
машҳур қилиб юборди. 
Орасталик ҳар доим италия модасининг асосий хусусияти бўлиб келган. 
Валентинонинг дунёни забт этган юмшоқ гламури (fp glamour дан – 
“башанг”, “зебо”, “сеҳр”) ушбу услубнинг мукаммал тажассуми бўлди. 
Валентино прет-а-портенинг эркаклар ва аёллар йўлини изга солиб юборди. 
Чизиқлар майинлиги, ажойиб бичим ва мумтоз ранглардаги (қора, қизил, оқ) 
ажойиб матолар ҳаммани мафтун қилар эди. 

---

150