Д. Раҳматуллаева, У. Ходжаева, Ф. Атаханова

2-расм 
Эркаклар либоси. Илк ўрта асрлар даври (VI-XIIа.а).
Варварлар 
либоси тасвирларини Қадимги Рим меъморий обидаларидан бири Троян 
колонналарида кўриш мумкин. Либос белдан боғланган, енгли калта туника, 
калта иштон, матодан тайёрланган пайпоқ, чарм бошмоқ ва ўнг елкадан 
тақиладиган жунли ёпинғичдан иборат бўлган. Бошга эса конуссимон бош 
кийим кийилган. 

---

53 
Бундай либос кўриниши Буюк Карл даври (VIII а.) амалдорлари 
либосларида сақланиб қолган. Булар билан бир қаторда иккита яримтадан 
иборат тор узун иштонлар, бир-бирини устидан кийиладиган кенг ва узун 
туникалар пайдо бўлди. Бундай либосларни император Оттон тасвирланган 
Х аср миниатюраларида кўришимиз мумкин (3-расм). Унинг эгнида 
этаклари, енг учи, елка ва ён йириқлар бўйлаб олтин рангдан ҳошия 
қилинган оч рангдаги туника. 
3-расм 
Унинг остида ички оқ рангдаги туника кўзга ташланди. Унинг устида 
елкадан қимматбаҳо тўқа ила маҳкамланган пурпур плаш ёпилган. 
Либоснинг тузилиши, кийиш услуби, безаклари Византияникини эслатади. 
XI асрга келиб (роман даври) эркаклар либоси рицарлар яроғ-аслаҳалари 
таъсири остида бўлди. Либослар калталашиб ва турли шаклий кўринишлар 
касб эта бошлади. 
Блио
– белнинг пастидан ажралган ёпинчиқ шаклидаги либос. Юқори 
қисми елка, кқкрак ва белга ёпишиб туриб, бўкса томон кенгаяди. Этак 
томони икки яримдоира шаклида бичилган бўлиб. Улар олд ва орқа томон 
белэтакларига қўшиб тикилган. Ушбу кийимнинг умумий узунлиги 
болдирнинг ўрталарига қадар боради. Блионинг енглари яхлит тор, паст 
томонга қараб воронка шаклида кенгайган. Ён йириқлари орасидан ранг 

---

54 
жиҳатдан кескин тафовутли ёрқин рангдаги туника кўриниб туради. Блио 
одатда орқа тарафидан шнурланган. (4-расм). 
Шосса – 
эластик мовутдан танага ёпишиб турадиган тор иштон-пайпоқ. 
Уст кийим белбоғига ип ёрдамида қотирилган. ХУ асрга қадар иштонлар бир 
бирига қўшиб тикилмаган. Кейинчалик уларни олд ва орқа клинлар ёрдамида 
бир бирига қўшиб тикила бошланди.
Нарамник
ўрта асрларда кўплаб эркаклар ва аёллар либоси асосидир. У 
тўртбурчак ёки овал шаклдаги мато бўлаги бўлиб, елкадан буклаб ташаб 
қўйилган. Унинг бош учун ўмизи бўлиб, ёнлари тикилмаган. Кийимнинг 
ушбу тури турли узунлик ва кўринишга эга бўлиб либоснинг турини 
бойитган.
5-расмда мипарти нарамники тасвирланган. Мипарти модаси зодоган 
феодаллар кийимида ХIII асрда айниқса кенг тарқалган ва феодал 
гербларининг ранги ва рамзларини ишлатиш билан боғлиқ. Енглар, олд ярми, 
иштон, пойафзал турли рангларга бўялиб, герб рамзлари билан безакланган. 
Гербдаги ранглар сингари улар ҳам вертикал равишда икки қисмга бўлинган. 
Мипартида хатто оёқ кийимининг ўнг ва чап томонлари кийим ранггига мос 
равишда турли рангларда бўлган.