D. A. Mamatqulov bolalar anatomiyasi va fiziologiyasi asoslari

Teri  osti  muskuli  teri  ostida  yupqa  bo‗lib  joylashgan.  Bu  muskul  ko‗krak 
fassiyasidan,  deltasimon  muskuldan  boshlanib,  xususiy  chaynash  muskulining 
fassiyasiga va pastki jag‗ga birikadi. 
To„sh  o„mrov-so„rg„ichsimon  muskul  bo‗yindagi  eng  kuchli  muskul.  Bu 
muskul to‗sh suyagining dastasidan, o‗mrov suyagining to‗sh tomondagi uchidan 2 
boshi bilan boshlanib, chakka suyagining so‗rg‗ichsimon o‗simtasiga birikadi. Bir 
tomonlama  qisqarganda  kallani  qiyshaytirib,  bir  tarafga  bukadi,  ikki  tomonlama 
qisqarganda kallani orqaga tortadi. 
Bo‗yinning old tomonidagi muskullar til osti suyagiga nisbatan 2 guruhga: til 
osti  suyagi  ustida  joylashgan  muskullar  va  til  osti  suyagi  tagida  joylashgan 
muskullarga  bo‗linadi.  Bu  muskullar  boshlanish  va  birikish  joyiga  qarab 
nomlanadi. Til osti suyagi ustidagi muskullarga 2 qorinli muskul, til osti pastki jag‗ 
muskuli, til osti bigizsimon o‗simtasi orasidagi muskul va til osti engak muskullari 
kiradi.  Til  osti  suyagi  tagidagi  muskullar  to‗sh-til  osti  muskuli,  kurak-til  osti 
muskuli, to‗sh qalqonsimon muskuli va qalqonsimon til osti muskullaridan iborat. 
Til  osti  suyagi  ustida  va  tagida  joylashgan  muskullar  qisqarganda  xiqildoq 
xarakatlanadi,  yutish,  so‗rish  va  so‗zlash  funksiyalari  bajariladi.  Bo‗yinning  yon 
tomonida narvonsimon muskul joylashgan. Bu muskul bo‗yin umurtqalarining yon 
o‗simtalaridan  ketma-ketlikda  boshlanib,  birinchi  va  ikkinchi  qovurg‗alarga 
birikadi,  qisqarganda  bo‗yin  bukiladi  va  nafas  olishda  qatnashadi.  Bo‗yinning 
chuqur  muskullari  bo‗yin  umurtqalari  tanasiga  yopishgan  bo‗lib,  kalla  asosiga 
birikadi. Ularga boshning, bo‗yinning uzun muskullari va boshning oldingi, chetki 
to‗g‗ri muskullari kiradi.