D. A. Mamatqulov bolalar anatomiyasi va fiziologiyasi asoslari

Ichki  qanotsimon  muskul  asosiy  suyakning  qanotsimon  o‗simtasidan 
boshlanib,  pastki  jag‗  suyagining  burchagiga  ichki  tomondan  birikadi.  U  qisqar-
ganda pastki jag‗ni biroz orqaga tortib, yuqoriga ko‗taradi. 
        Bu muskullar bir tomonlama qisqarsa, pastki jag‗ni bir tomonga qiyshaytiradi. 
Mimika  muskullari  odamda  yaxshi  rivojlangan  bo‗lib,  suyakdan  boshlanib  teriga 
birikadi.  Ular  qisqarganda  terini  bir  tomonga  tortib,  kishini  turli  ruhiy  holatlarda 
aks ettiradi . Mimika muskullari, asosan, yuzda joylashadi. Ular og‗iz, ko‗z atrofini 
o‗rab  turadi.  Bu  muskullar  so‗zlash,  chaynash,  nafas  olishda  ham  ishtirok  etadi. 
Mimika  muskullariga  peshona,  qoshni  chimiruvchi,  takabburlik,  ko‗z  atrofining 
halqasimon, burun, yanoq, yuqorigi labning kvadrat, og‗izning halqasimon, pastki 
labning  kvadrat,  pastki  labning  uchburchak,  iyak,  lunj,  kulgi  muskullari  va 
boshqalar kiradi.