D. A. Mamatqulov bolalar anatomiyasi va fiziologiyasi asoslari

Qo„zg„alishni  o„tkazuvchi  yo„llar.  Orqa  miyada  yuqoriga  ko‗tariluvchi  va 
pastga  tushuvchi  yo‗llar  bo‗ladi.  Yuqoriga  ko‗tariluvchi  yo‗llar  orqa  miyaning 
ketingi  yarmi  bo‗ylab  o‗tadi.  Tana,  bo‗yin,  qo‗l-oyoqlar  va  ichki  organlar 
retseptorlarida hosil bo‗ladigan qo‗zg‗alish orqa miya nervlari orqali orqa, miyaga 
o‗tkaziladi Bu erda qo‗zg‗alish yuqori ko‗tariluvchi yo‗llarning neyronlariga o‗tib, 
bu  yo‗llar  orqali  bosh  miya  ustuniga,  undan  keyin  esa  bosh  miya  po‗stlog‗iga 
boradi.  Bu  qo‗zg‗alish  biror  narsaga  tegib  ketilganini,  bosimni,  og‗riq,  issiqlik, 
sovuq  va  boshqalarni  sezishga  sabab  bo‗ladi.  Pastga  tushuvchi  yo‗llar  orqa 
miyaning  oldingi  qismi  bo‗ylab  o‗tadi.  Bu  yo‗llar  nerv  qo‗zg‗alishini  bosh 
miyadan orqa miyaning harakatlan-tiruvchi markazlariga o‗tkazadi. Qo‗zg‗alish bu 
erdan orqa miya nervlari bo‗ylab muskullarga, ter bezlariga va boshqa organlarga 
boradi.