D. A. Mamatqulov bolalar anatomiyasi va fiziologiyasi asoslari

Peshona  suyagi    toq  bo‗lib,  to‗rt  qismdan:  palla,  burun  va  ikkita  ko‗z 
qismdan tashkil topgan. Palla qismi yupqa plastinkadan iborat, old tomonida ikkita 
peshona  do‗ngi,  ular  tagida  qosh  usti  yoylari,  o‗rtasida  esa  pastlik  bor.  Qosh  usti 
yoyining  o‗rtasida  to‗rtburchak  shakldagi  burun  qismi  joylashgan.  Unga  burun 
suyagi va yuqori jag‗ning peshona o‗sig‗i birikadi. Burun qismining ichi bo‗sh va 
bu  bo‗shliq  g‗alvirsimon  suyak  bo‗shliqlariga  tutashadi.  Ko‗z  qismlari  ko‗z 
kosasining  yuqori  devorini  hosil  qiladi.  Bu  suyak  ko‗z  qismining  yonida  yoy 

---

47 
 
bo‗lib, yonoq suyagining peshana o‗sig‗i bilan birikadi. Peshana suyagining ichki 
tomonidagi egatchalardan qon tomirlar o‗tadi. 
Chakka  suyagi  juft  bo‗lib,  4  ta:  chig‗anoq,  nog‗ora,  so‗rg‗ichsimon  va 
piramida qismidan iborat. Chig‗anoq qismi yupqa plastinka shaklida, uning tagida 
yonoq o‗sig‗i joylashgan. Bu o‗siq yonoq suyagining chakka o‗sig‗i bilan birikib, 
yonoq yoyini hosil qiladi. O‗siq tagida pastki jag‗ suyagining bo‗g‗im o‗sig‗i joy- 
lashadigan  chuqurcha  bor.  Nog‗ora  qismi  tashqi,  tovush  yorig‗ining  pastki 
devorini  hosil  qiladi.  Unda  bigizsimon  o‗siq  mavjud.So‗rg‗ichsimon  qismi 
so‗rg‗ich shaklida bo‗lib, tashqi quloq teshigi orqasida joylashgan, ichi bo‗sh. Bu 
bo‗shliq  o‗rta  quloq  bo‗shlig‗i  bilan  tutashadi.  Piramida  qismi  miya  qutisining 
ichida  bo‗lib,  unda  o‗rta  va  ichki  quloq  joylashgan.  Uning  pastki,  old  va  orqa 
yuzasi,  orqa  devorida  eshitish  nervi  o‗tadigan  teshik  bor.  Piramida  qismi  tagida 
tashqi uyqu arteriyasi o‗tadigan egatchalar bo‗ladi.