Covid-19 билан касалланган ҳомиладорларни олиб бориш

Ҳомиладорликнинг 20 ҳафтасигача муддатда шошилинч кесарча кесиш ўтказиш шарт эмас, чунки бу муддатда ҳомиладор бачадон юракнинг қон чиқариш ҳажмига таъсир қилмайди.

• Вирусга қарши, антибактериал, дезинтоксикацион терапия, респиратор кўмак фақат кўрсатмалар асосида тайинланади.
• Касаллик оғир кечганда кесарча кесишда анестезиологик оғриқсизлантириш: кучли полиорган етишмовчилик белгилари кузатилмаганда (SOFA шкаласи бўйиса 2 баллгача), респиратор кўмак фонида регионар оғриқсизлантириш усулларини қўллаш мумкин, кучли полиорган етишмовчилик белгилари кузатилганда (SOFA шкаласи бўйиса 2 балл ва ундан юқори) ИВЛ тавсия этилади.

Касаллик авж олган (пневмония) даврда туғруқ ўз-ўзидан бошланиб қолса, она ва ҳомила ақволини монитор қилган ҳолда туғруқни табиий йўллар орқали олиб бориш мақсадга мувофиқ бўлади.

• Касаллик авж олган (пневмония) даврда туғруқ ўз-ўзидан бошланиб қолса, она ва ҳомила ақволини монитор қилган ҳолда туғруқни табиий йўллар орқали олиб бориш мақсадга мувофиқ бўлади.
• Туғруқнинг II даврида нафас ва юрак қон томир етишмовчилигининг олдини олиш мақсадида ташқи акушерлик қисқичларини қўйиб кучаниш даврини истисно этиш тавсия этилади. Ҳомила дистресси, туғруқ фаолияти сустлиги ва/ёки аёлнинг аҳволи оғирлашганда туғруқ жараёнини тезлаштириш мақсадида вакуум-экстракция ёки акушерлик қисқичларини қўллаш мумкин.
• Барча аёлларда ҳомиладорлик муддатидан қатъий назар қон кетишнинг олдини олиш чораларини қўллаш лозим.
• Тавсия этилмайди:
• Киндик тизимчасини кесишни кечиктириш;
• Она-бола тери-терига контакт усули;
• Чақалоқ постнатал инфекция юқишининг олдини олиш учун туғруқ залида кўкракка тутилиши;
• Чақалоқни туғруқ залида узоқ қолдириш.
• Бунда вируснинг онадан болага юқишининиг олдини олиш тадбирларига риоя қилиш (ниқоб ва қўлқоплар тақиш, яқин контактда бўлмаслик). Касалликнинг ўрта оғир ва оғир кечишида чақалоқни соғилган она сути билан эмизиш мумкин.

COVID-19 ўрта оғир ва оғир шаклларида ҳомиладорларни олиб бориш

•  Клиник белгилари: иситма, йўтал, нафас олиш қийинлашиши ва тезлашиши билан қуйидагиларнинг бирортаси: нафас сони ≥ 30 нафас/дақиқада; оғир респиратор дистресс; ҳавода нафас олганда SpO2 < 90% .
• Кўкрак қафаси рентгенографияси.
• Компьютер томографияси (МРТ ёки МСКТ).
• Ташхис клиник белгилар асосида қўйилиши мумкин, бироқ кўкрак қафаси рентгенографияси, КТ (МСКТ) ёки УТТ каби визуализация усуллари ташхис қўйиш ва ўпкадаги асоратларни аниқлаш имконини беради.