Covid-19 билан касалланган ҳомиладорларни олиб бориш

ПЕРИНАТАЛ ЁРДАМ КУРСАТУВЧИ БАРЧА ТИББИЁТ МУАССАСАЛАРИ УЧУН УМУМИЙ ТАВСИЯЛАР (3)

• Аёлларда клиник аломатлар кузатилиши давом этганда, антенатал ташриф 7 кунгача кечиктирилиши мумкин.
• COVID-19 инфекцияси билан касалланган ёки ушбу касалликнинг мумкин бўлган аломатлари кузатилган беморлар билан мулоқотда бўлган аёлларнинг антенатал ташрифи 14 кунгача кечиктирилиши мумкин.
• Тиббиёт ходимларида режали ташрифларни ўтказиб юборган аёлларнинг рўйхати бўлиши керак. Айниқса 3 ёки ундан кўп ҳафта давомида режали ташрифни ўтказиб юборган аёлларга нисбатан ҳушёрроқ бўлиш керак.
• Аҳолининг заиф қатламидан бўлган ҳомиладор аёллар пандемия даврида акушер-гинекологларнинг тиббий ёрдамига кўпроқ муҳтож бўладилар.

Туғруқ вақтида тиббий ёрдам кўрсатиш бўйича умумий тавсиялар

• Туғруқ вақтида хавфсиз тамойилларга мувофиқ тиббий ёрдам кўрсатиш ва кам сонли тиббиёт ходимлари жалб қилиниши, аммо кўрсатмалар бўлганда, шошилинч акушерлик, анестезиологик ва неонатал тиббий ёрдам амалга оширилиши керак.
• Туғруқ вақтида ҳамроҳлик, зеро бу нормал шароитларда маъқулланса ҳам, эпидемиологик вазиятни ҳисобга олган ҳолда, чекланиши керак (ушбу кўрсатма маҳаллий шароитга (Ўзбекистонга) мослаштирилган). Ҳомиладорлик патологияси ва туққан аёллар бўлимларига ҳам ташрифлар чекланиши лозим. Ҳомиладор аёлларга оила аъзолари ва яқинлари билан алоқада бўлиш учун турли хил видеоалоқа воситалардан фойдаланиш тавсияси берилади.
• Тиббиёт ходимлари томонидан ҳомиладор аёлларга чекишни ташлаш тавсия қилиниши керак. Акушерлик асоратлари хавфининг ортишидан ташқари, тамаки чекиш, COVID-19 инфекцияси ривожланиши ва натижасининг ёмонлашиши билан боғлиқ бўлиш эҳтимоли катта.

COVID-19 иифекцияга гумон қилинаётган ёки тасдиқланган аёлни касалхонага қабул қилишда барча тиббиёт муассасаларида қуйидаги тавсиялардан фойдаланиш мумкин (1):

• COVID-19 иифекцияга гумон қилинаётган барча аёллар, клиник аломатларидан қатъий назар, тиббиёт муассасаларига тез тиббий ёрдам машинасида етказилиши керак.
• Соғликни сақлаш тизимининг зўриқиши кузатилганда, фақат касалликнинг клиник аломатлари оғир бўлган аёллар тез тиббий ёрдам машинасида тиббиёт муассасаларига етказилиши керак.
• Шошилинч тиббий ёрдам тизимининг зўриқиши кузатилганда, бошқа махсус транспорт воситаларидан фойдаланиш мумкин.
• Туғруқхона ходимлари COVID-19 инфекцияси билан касалланган бемор олиб келиниши тўғрисида огоҳлантирилиши керак.