Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
100
шартномасини ҳақиқий эмас деб топиб, унинг ҳақиқий эмаслик 
оқибатларини қўллашни сўраган .
Биринчи инстанция судининг 2016 йил 19 сентябрдаги ҳал қилув 
қарори билан ариза талаби қаноатлантирилган . 
Биринчи инстанция суди ариза талабини қаноатлантиришда 
лизинг шартномаси тузилгандан кейин орадан икки йил ўтиб 
кафиллик шартномаси тузилганлигига асосланган .
Ваҳоланки, Фк 292-моддасининг иккинчи қисмига мувофиқ 
кафиллик шартномаси келгусида вужудга келадиган мажбуриятни 
таъминлаш учун ҳам тузилиши мумкин .
Бундан ташқари, “Масъулияти чекланган ҳамда қўшимча 
масъулият ли жамиятлар тўғрисида”ги Ўзбекистон Республикаси 
Қонуни (бундан буён мисолнинг матнида Қонун деб юритилади) 
8-моддаси биринчи қисмининг иккинчи хатбошисига кўра жамият 
иштирокчилари қонун ҳужжатларида ва жамият таъсис ҳужжатларида 
белгиланган тартибда жамиятнинг фаолияти тўғрисида ахборот олиш 
ҳамда унинг бухгалтерия дафтарлари ва бошқа ҳужжатлари билан 
танишишга ҳақлидирлар .
Мазкур Қонун 30-моддаси иккинчи қисмининг еттинчи 
хатбошисига кўра жамият иштирокчилари умумий йиғилишининг 
мутлақ ваколатлари жумласига йиллик ҳисоботларни ва йиллик 
бухгалтерия балансларини тасдиқлаш киради .
Қонун 31-моддасининг биринчи қисмига мувофиқ жамият 
иштирок чиларининг навбатдаги умумий йиғилиши жамиятнинг 
уставида белгиланган муддатларда, лекин йилига камида бир марта 
ўтказилади .
Аниқланишича, “Лада” МЧЖ “Хизмат” МЧЖнинг мажбуриятлари 
бўйича кафиллик шартномаси тузилгунга қадар 40 600 000 сўм, кафил-
лик шартномаси тузилганидан кейин, яъни 2014 йил 29 октябр дан 
2015 йил 4 ноябрга қадар 409 300 000 сўм пул маблағ ларини ихтиёрий 
равишда “Ўзбеклизинг” лизинг компаниясига ўтказиб берган . Мазкур 
ҳолат тарафлар ўртасида кафиллик шартномаси тузилганлигидан 
“Лада” МЧЖ таъсисчиси А .Шукуров хабардор эканлигини билдиради . 
Фкнинг 132-моддасига мувофиқ, вакил қилинмаган шахс томо-
нидан бошқа шахс номидан тузилган ёки ваколатлардан ташқари 

---