Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
99
ли қарорининг 23-бандида ундирувни гаров нарсасига суд тартибида 
қаратишда суднинг қарорида гаровдаги мол-мулкнинг номи, 
жойлашган жойи, гаров шартно масида кўрсатилган миқдордаги 
бошланғич сотув баҳоси кўрсатилиши лозимлиги, гаровга қўйилган 
мол-мулкнинг қиймати юзасидан низо вужудга келган ҳолларда, 
у тарафларнинг илтимосномаси бўйича тайинланган мутахассис 
(эксперт)нинг хулосасига кўра белгиланиши ҳақида тушунтириш 
берилган .
Шу боис Ҳайъат ҳал қилув қарори билан белгиланган гаровга 
қўйилган мулкнинг кимошди савдосидаги бошланғич сотув баҳосини 
суд ўзининг ажрими асосида ўзгартира олмаслигини, ҳал қилув 
қарори фақат юқори суд инстанцияси томонидан ўзгартирилиши 
ёки бекор қилиниши мумкинлигини инобатга олиб, суд ажримини 
бекор қилишни, “Агро банк” АТБнинг “Элёр” МЧЖ томонидан гаровга 
қўйилган мулкнинг кимошди савдосидаги бошланғич сотув баҳосини 
қайтадан белгилаш ҳақидаги аризасини қаноатлантирмасдан 
қолдиришни лозим топган .
3.10. битим тузишга ваколат берган шахс битимнинг ижрога 
қабул қилинганлигидан гувоҳлик берувчи ҳаракатлар қилган 
ҳолда ҳам бундай битим маъқулланган ҳисобланади.
“Ўзбеклизинг” лизинг компанияси ва “Хизмат” МЧЖ ўртасида
2012 йил 23 октябрда 101/12-сонли лизинг шартномаси тузилган 
бўлиб, унга кўра “Ўзбеклизинг” лизинг компанияси “Хизмат” МЧЖга 
жами 510 260 000 сўмлик 8 та “ISUZU” русумли автотранспорт 
воситаларини 36 ой муддатга лизингга берган .
Лизинг тўловлари қайтарилишининг таъминоти сифатида 
“Ўзбеклизинг” лизинг компанияси, “Хизмат” МЧЖ ва “Лада” МЧЖ 
ўртасида 2014 йил 4 ноябрда кафиллик шартномаси тузилган бўлиб, 
унга кўра “Лада” МЧЖ “Хизмат” МЧЖнинг лизинг шартномаси бўйича 
мажбуриятлари юзасидан 253 498 137 сўмга кафил бўлган .
кейинчалик, “Лада” МЧЖ таъсисчиси А .Шукуров судга ариза 
билан мурожаат қилиб, 2014 йил 4 ноябрда тузилган кафиллик 

---