Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
93
Шу боис Ҳайъат ҳал қилув қарорининг “Улуғбек” хусусий 
корхонасидан қарздорликни солидар тартибда ундириш қисмини 
бекор қилиб, даъво талабининг ушбу қисмини қаноатлантиришни 
рад этишни лозим топган .
3.8. Ипотекага қўювчи ипотека тўғрисида шартнома 
тузилаётганда ипотека давлат рўйхатидан ўтказилаётган 
пайтда ўзига маълум бўлган учинчи шахсларнинг ипотека 
нарсасига бўлган барча ҳуқуқлари ҳақида ипотекага 
олувчини ёзма шаклда огоҳлантириши шарт.
“Ипотека банк” АТИБ ва “Чори бобо” хусусий фирмаси ўртасида
2012 йил 6 майда 64-сонли кредит шартномаси тузилган бўлиб, унга 
кўра “Ипотека банк” АТИБ “Чори бобо” хусусий фирмасига йиллик
16 фоиз устама тўлаш шарти билан 12 ой муддатга эшик ва ромлар 
сотиб олиши учун 22 000 000 сўм кредит ажратиш, “Чори бобо” 
хусусий фирмаси эса олинган кредитдан фойдаланиб, кредит ва унга 
ҳисобланган фоизларни шартномага илова қилинган график асосида 
қайтариш мажбуриятини олган .
кредит қайтарилишининг таъминоти сифатида “Ипотека банк” 
АТИБ, “Чори бобо” хусусий фирмаси ва “Қамаши” МЧЖ ўртасида
2012 йил 8 майда тузилган ипотека шартномасига асосан “Қамаши” 
МЧЖга тегишли бўлган Қарши шаҳар, Сувсоз кўчаси, 5-уйда 
жойлашган бино ва иншоотлар 50 000 000 сўмга ўзаро баҳоланиб, 
гаровга қўйилган .
кредит шартномасида “Чори бобо” хусусий фирмаси асосий 
қарзни тўлов жадвали асосида ва фоизларни ҳар ойнинг
5 санасигача тўлаб бориш мажбуриятини олган . Бироқ “Чори 
бобо” хусусий фирмаси томонидан тўловлар ўз вақтида амалга 
оширилмаган . 
Шу сабабли “Ипотека банк” АТИБнинг кредит қарзи, фоиз
ва пеня ундириш ҳамда ундирувни гаровга қўйилган мулкка қаратиш 
ҳақидаги талаби бошқа иш доирасида қаноатлантирилган .

---