Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
44
1 дона компъютер, ва 2 дона кўп функцияли аппарат намуналари 
тақдим этилган .
“Олмос” АЖнинг 2016 йил 24 августда “Малика” МЧЖга йўллаган 
804-сонли хатида “Малика” МЧЖ томонидан тақдим этилган маҳсулот 
намуналари буюртмада кўрсатилган техник шартлар ва талабларга 
тўғри келмаслиги маълум қилинган ва шартнома суммасининг
15 фоизи миқдорида тўлов олдиндан амалга оширилмаган . 
“Малика” МЧЖ шартнома шартларини бажармасдан, “Олмос” 
АЖга 2016 йил 4 сентябрда 17-сонли хат билан мурожаат қилиб, 
шартномада кўрсатилган техник параметрларга мос келадиган 
маҳсулотлар “Малика” МЧЖнинг омборида мавжуд эмаслиги сабабли, 
шартнома шартларини бажаришдан воз кечишини билдирган
ва тақдим этилган маҳсулот намуналарини қайтаришни сўраган .
Ушбу ҳолда “Малика” МЧЖ “Олмос” АЖга шартноманинг 
2-5-бандида белгиланган техник параметрларга жавоб берадиган 
маҳсулот намуналарини тақдим этиши лозим бўлганлигига биринчи 
инстанция суди эътибор қаратмасдан хатоликка йўл қўйган .
Чунки “Малика” МЧЖ шартноманинг 11-бандида шартнома 
тузилган кундан 5 иш куни давомида шартноманинг 2 .5-бандида 
белгиланган техник параметрларга жавоб берадиган маҳсулот 
намуналарини тақдим этиш мажбуриятини олган бўлса-да, ушбу 
мажбурият бажарилмаган .
Фкнинг 454-моддасига мувофиқ товарларни тўлиқ етказиб 
бермаганлик ёки етказиб бериш муддатларини кечиктириб юборган-
лик учун қонунда ёки шартномада белгиланган неустойка, агар 
неустойкани ундиришнинг бошқача тартиби қонунда ёки шартномада 
белгиланмаган бўлса, маҳсулот етказиб берувчидан шартноманинг 
амал қилиш муддатида мажбурият амалда бажарилгунга қадар 
ундирилади .
Шу боис Ҳайъат биринчи инстанция судининг ҳал қилув 
қарорини бекор қилиб, “Малика” МЧЖдан “Олмос” АЖ фойдасига 
шартно манинг 14-бандига асосан шартнома суммасининг 10 фоизи 
миқдоридаги 10 000 000 жаримани ундириш ҳақида янги қарор қабул 
қилишни лозим топган .

---