Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
45
2.3. сотиб олувчи маҳсулотнинг сифатсизлигини аниқлаган 
тақдирда, уни сифатли ва фойдаланишга яроқли маҳсулот 
билан алмаштириб бериш ҳақида сотувчини дарҳол ёзма 
равишда хабардор қилиши лозим.
“Сардор” МЧЖ ва “камола” хусусий корхонаси ўртасида 2015 йил
30 декабрда 59-сонли шартнома тузилган бўлиб, унга кўра “камола” 
хусусий корхонаси “Сардор” МЧЖга ҳар бир донаси 420 сўмдан 
бўлган умумий қиймати 147 000 000 сўмлик 350 000 дона пишган ғишт 
маҳсулотини етказиб бериш, “Сардор” МЧЖ эса маҳсулотни қабул 
қилиб олиш ва унинг қийматини тўлаш мажбуриятини олган .
Фкнинг 437-моддасида белгиланишича, маҳсулот етказиб 
бериш шартномасига мувофиқ тадбиркорлик фаолияти билан 
шуғулланаётган маҳсулот етказиб берувчи-сотувчи шартлашилган 
муддатда ёки муддатларда ўзи ишлаб чиқарадиган ёхуд сотиб 
оладиган товарларни сотиб олувчига тадбиркорлик фаолиятида 
фойдаланиш учун ёки шахсий, оилавий мақсадларда, рўзғорда 
ва шунга ўхшаш бошқа мақсадларда фойдаланиш билан боғлиқ 
бўлмаган бошқа мақсадларда фойдаланиш учун топшириш, сотиб 
олувчи эса товарларни қабул қилиш ва уларнинг ҳақини тўлаш 
мажбуриятини олади .
“камола” хусусий корхонаси 2015 йил 20 октябрдаги 29-сонли 
ишончнома ва 41-сонли юк хатига асосан “Сардор” МЧЖга ҳар 
бир донаси 420 сўмдан бўлган 250 000 дона, умумий қиймати
105 000 000 сўмлик пишган ғишт маҳсулотини етказиб берган .
“Сардор” МЧЖ “камола” хусусий корхонасига 2016 йил 23 фев-
ралдаги 7-сонли тўлов топшириқномаси билан 70 000 000 сўм ўтказиб 
берган .
“Сардор” МЧЖ судга даъво аризаси билан мурожаат қилиб, 
“камола” хусусий корхонаси томонидан 30 000 000 сўмлик сифатсиз 
пишган ғишт маҳсулоти етказиб берилганлиги важи билан ушбу 
суммани “камола” хусусий корхонасидан ундиришни сўраган .
Биринчи инстанция судининг 2017 йил 18 январдаги ҳал қилув 
қарори билан даъво талаби тўлиқ қаноатлантирилган .

---