Cover page obzor iqtisodiy-last 7B. cdr

1-боб. Шартномаларни тузиШ, ўзгартириШ, бекор қилиШ ва уларни
ҳақиқий эмас деб топиШ билан боғлиқ иШлар бўйича суд амалиёти
37
асослар билан даъво талабни қаноатлантиришни рад этишни лозим 
топган .
1.13. Агар шартномада тарафлар томонидан келиб чиққан 
низоларни тинч йўл билан ҳал этиш ҳақидаги шарт 
назарда тутилган бўлса, аммо низони ҳал этиш тартиби 
белгиланмаган бўлса, бу ҳолда низони талабнома юбориш 
йўли билан ҳал этиш тартиби мажбурий ҳисобланмайди. 
“Одина” МЧЖ ва “Рустам” МЧЖ ўртасида 2016 йил 10 ноябрда 
24-сонли шартнома тузилган бўлиб, унга кўра “Рустам” МЧЖ “Одина” 
МЧЖга қурилиш молларини етказиб бериш, “Одина” МЧЖ эса 
қурилиш моллари учун 100 фоиз тўловни олдиндан амалга ошириш 
мажбуриятини олган .
“Одина” МЧЖ 2016 йил 28 декабрда 8-сонли тўлов топшириқ-
номаси билан “Рустам” МЧЖга 40 000 000 сўм ўтказиб берган . 
“Рустам” МЧЖ эса етказиб берилиши лозим бўлган қурилиш 
молларини “Одина” МЧЖга етказиб бермаган . Шу сабабли “Одина” 
МЧЖ судга даъво аризаси билан мурожаат қилиб, “Рустам” МЧЖдан 
40 000 000 сўм асосий қарз ундиришни сўраган .
Биринчи инстанция судининг ажрими билан даъво ариза 
кўрмасдан қолдирилган ва бунга асос қилиб тарафлар ўзаро тузилган 
шартномада даъвони судгача ҳал қилиш (талабнома юбориш)га 
келишилганлиги, аммо ушбу шартномада низони судгача ҳал қилиш 
тартиби акс этмаганлигини кўрсатган .
Дарҳақиқат, аниқланишича, “Одина” МЧЖ ва “Рустам” МЧЖ 
ўртасида 2016 йил 10 ноябрда тузилган 24-сонли шартноманинг 
7 .2-бандида тарафлар ўртасида ушбу шартнома бўйича ёки у билан 
боғлиқ юзага келадиган низолар ёки келишмовчиликлар тарафлар 
ўртасида музокара йўли билан ҳал қилиниши ёзилган . 
Бироқ Ўзбекистон Республикаси Олий хўжалик суди Пленумининг 
2007 йил 15 июндаги “Биринчи инстанция судида ишларни кўришда 
Ўзбекистон Республикаси Хўжалик процессуал кодексининг 
қўлланилиши тўғрисида” 2007 йил 15 июндаги 162-сонли қарори 

---