Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
36
Сервитутни давлат рўйхатидан ўтказиш сервитут белгиланишидан 
манфаатдор юридик ёки жисмоний шахснинг аризаси бўйича, 
сервитут белгиланишидан манфаатдор юридик ёки жисмоний 
шахс ва ерларида сервитут белгиланадиган юридик ёки жисмоний 
шахслар ўртасида тузилган ёзма келишуви асосида ёки суд қарори 
бўйича амалга оширилади .
Сервитутни давлат рўйхатидан ўтказиш кўчмас мулкка 
бўлган ҳуқуқлар ва у ҳақда тузилган битимлар давлат реестрига 
сервитут белгиланиши ҳақидаги ҳужжатнинг номини ҳамда унинг 
реквизитларини кўрсатган ҳолда тегишли ёзувни киритиш орқали 
амалга оширилади .
ер участкасига бўлган ҳуқуқ бошқа шахсга ўтган тақдирда 
сервитут сақланиб қолинади, у белгилаш учун асослар бекор бўлган 
ҳолларда бекор қилиниши мумкин .
Бу ерда сервитут белгиланишидан манфаатдор бўлган “Техник 
хизмат” МЧЖтуман ер тузиш ва кўчмас мулк кадастри давлат 
корхонасига сервитутни давлат рўйхатидан ўтказиш ҳақида ариза 
билан мурожаат қилмаган, кўчмас мулкка бўлган ҳуқуқлар ва у ҳақда 
тузилган битимлар давлат реестрига сервитут белгиланиши ҳақидаги 
ҳужжатнинг номини ҳамда унинг реквизитларини кўрсатган ҳолда 
тегишли ёзув киритилмаган . Ушбу ҳолат туман ер тузиш ва кўчмас 
мулк кадастри давлат корхонасининг маълумотномаси билан 
тасдиқланган .
Қолаверса, Фк 112-моддасининг биринчи қисмига мувофиқ 
битимнинг нотариал шаклига ёки уни давлат рўйхатидан ўтказиш 
талабига риоя қилмаслик битимнинг ҳақиқий эмаслигини келтириб 
чиқаради . Бундай битим ўз-ўзидан ҳақиқий бўлмайди .
Шу боис Ҳайъат ҳал қилув қарорини бекор қилиб, сервитут 
шартномаси ўз-ўзидан ҳақиқий эмаслигини, “Техник хизмат” 
МЧЖ ўзига тегишли бўлган бинодан сервитут белгиламай туриб 
фойдаланиши мумкинлигини, яъни “Техник хизмат” МЧЖнинг бинога 
кириши ва ундан фойдаланиши учун дарвоза ва йўлак мавжудлигини, 
қолаверса, “Техник хизмат” МЧЖдан бир неча маротаба қандай 
шартлар асосида сервитут талаб қилинаётганлиги сўралган бўлса-
да, унга аниқлик киритиб бера олмаганлигини инобатга олиб, ушбу 

---