Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
274
7.16. “Фаолиятнинг айрим турларини лицензиялаш 
тўғрисида”ги қонун 16-моддасининг ўн биринчи қисмига 
мувофиқ лицензиат унга лицензия бериш тўғрисидаги 
қарор қабул қилинганлиги ҳақидаги хабарнома 
юборилган (топширилган) пайтдан эътиборан уч ой ичида 
лицензияловчи органга лицензия берганлик учун давлат 
божи тўланганлигини тасдиқловчи ҳужжатни тақдим 
этмаганда, лицензияловчи орган мазкур лицензияни бекор 
қилишга ҳақли. Агар лицензияловчи орган лицензиат 
томонидан мазкур қонун 16-моддасининг ўн биринчи қисми 
талаблари бузилганлиги важи билан лицензиатга берилган 
лицензияни бекор қилиш тўғрисидаги ариза билан судга 
мурожаат қилса, ариза бўйича иш юритиш талаб иқтисодий 
суднинг судловига тааллуқли бўлмаганлиги учун тугатилади.
Туман ҳокимлигидаги махсус комиссиянинг 2014 йил 13 апрелдаги 
мажлис баёнига асосан “Зийнат” хусусий корхонасига (кейинчалик 
мисол матнида ”Хусусий корхона” деб юритилади) улгуржи савдо 
фаолиятини амалга ошириш ҳуқуқини берувчи лицензия берилиши 
тўғрисида қарор қабул қилинган . Бироқ Хусусий корхона томонидан 
қонун ҳужжатларида белгиланган муддатларда лицензия берганлик 
учун давлат божи тўланганлигини тасдиқловчи ҳужжат Туман 
ҳокимлигига (лицензияловчи органга) тақдим этилмаган .
Шу сабабли Туман ҳокимлиги судга ариза билан мурожаат қилиб, 
Хусусий корхонага 2014 йил 13 апрелда берилган улгуржи савдо 
фаолиятини амалга ошириш ҳуқуқини берувчи лицензияни бекор 
қилишни сўраган .
Биринчи инстанция судининг 2014 йил 15 августдаги ҳал қилув 
қарори билан арз қилинган талаб қаноатлантирилган .
Ҳайъатнинг 2015 йил 3 февралдаги қарори билан биринчи 
инстанция судининг ҳал қилув қарори бекор қилиниб, иш бўйича иш 
юритиш тугатилган .

---