Cover page obzor iqtisodiy-last 7B. cdr

7-боб. Тадбиркорлик субъекТларига нисбаТан ҳуқуқий Таъсир
чораларини қўллаш билан боғлиқ ишлар бўйича суд амалиёТи
273
сохта эканлиги маълум қилинган . Бунга аниқлик киритиш мақсадида 
Агентлик томонидан Институтга сўровнома юборилган . Институт 
Т .Бобоқулов номига диплом берилмаганлигини маълум қилган . 
Ўзбекистон автомобиль ва дарё транспорти агентлиги судга 
ариза билан мурожаат қилиб, МЧЖга 2014 йил 11 августда берилган 
лицензияни амал қилишини тугатишни сўраган . 
Биринчи инстанция судининг 2016 йил 12 мартдаги ҳал қилув 
қарори билан ариза қаноатлантирилиб, МЧЖга 2014 йил 11 августда 
берилган лицензиянинг амал қилиши тугатилган .
Вилоят прокуратурасининг кассация протестига асосан кассация 
инстанцияси судининг 2016 йил 18 июндаги қарори билан биринчи 
инстанция судининг ҳал қилув қарори бекор қилиниб, арз қилинган 
талабни қаноатлантириш рад этилган .
кассация инстанцияси суди бундай хулосага келишда 
“Фаолиятнинг айрим турларини лицензиялаш тўғрисида”ги Қонун 
24-моддаси биринчи қисмининг тўртинчи хатбошисига асосланган .
Ушбу Қонун 24-моддаси биринчи қисмининг тўртинчи 
хатбошисига кўра лицензия сохта ҳужжатлардан фойдаланилган 
ҳолда олинганлиги факти аниқланганда, бекор қилиниши мумкин .
Аммо биринчи инстанция суди Ўзбекистон автомобиль
ва дарё транспорти агентлигининг аризасида МЧЖга 2014 йил 
11 августда берилган лицензияни бекор қилиш эмас, балки амал 
қилишини тугатиш тўғрисида талаб билдирилган бўлсада, аризани 
қаноатлантириш тўғрисида ҳал қилув қарори қабул қилган .
Шу сабабли кассация инстанцияси суди МЧЖга берилган 
лицензия сохта ҳужжатлардан фойдаланилган ҳолда олинганлиги 
факти унинг амал қилишини тугатмасдан, балки уни бекор қилишга 
асос бўлганлиги сабабли аризани қаноатлантиришни рад этган .
Иш Ҳайъатда кўрилиб, кассация инстанцияси судининг қарори 
ўзгаришсиз қолдирилган . 

---