Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
220
6.10. МчЖ иштирокчисининг МчЖдан чиқмай туриб,
устав фондидаги унинг улушини сотиб олиш ҳақидаги МчЖга 
нисбатан билдирган талаби асоссиз бўлиб, ушбу талаб
суд томонидан рад этилиши керак.
2015 йил 12 декабрда фуқаролар Салимов нарзулло Сафоевич, 
Обидов Олим Бахтиёрович ва Музробов Абдулла Сафарович 
томонидан “Шеробод нур” МЧЖ (бундан буён мисол матнида ”МЧЖ” 
деб юритилади) ташкил этилган бўлиб, МЧЖнинг таъсис ҳужжатлари 
туман ҳокимлиги ҳузуридаги тадбиркорлик субъектларини рўйхатга 
олиш Инспекцияси (бундан буён мисол матнида ”Инспекция” деб 
юритилади) томонидан 2015 йил 22 декабрда рўйхатга олинган ва бу 
ҳақда МЧЖга гувоҳнома берилган .
Таъсис ҳужжатларига кўра МЧЖнинг устав фонди 30 000 000 сўм 
миқдорида белгиланиб, унда н .Салимов 10 100 000 сўм ёки 33,4 фоиз, 
О .Обидов 10 000 000 сўм ёки 33,3 фоиз, А .Музробов 10 000 000 сўм
ёки 33,3 фоиз улушга эга бўлган .
МЧЖнинг 33,3 фоиз улушига эга бўлган иштирокчиси А .Музробов
2016 йил 18 мартда МЧЖга ариза билан мурожаат қилиб, унда МЧЖ 
иштирокчилари сафидан чиқишига қарор қилганлигини, МЧЖ устав 
фондидаги ўз улушини 50 000 000 сўмга МЧЖга сотишини маълум 
қилган .
Бироқ МЧЖ томонидан тўлов амалга оширилмаганлиги сабабли 
МЧЖ иштирокчиси А .Музробов МЧЖга нисбатан судга даъво аризаси 
билан мурожаат қилиб, МЧЖдан устав фондидаги ўзининг 33,3 фоиз 
улушининг бозор баҳоси, яъни 50 000 000 сўмни ундиришни сўраган .
Биринчи инстанция судининг 2016 йил 20 июндаги ҳал қилув 
қарори билан даъво талабини қаноатлантириш рад этилган .
Чунки “Масъулияти чекланган ҳамда қўшимча масъулиятли 
жамиятлар тўғрисида”ги Қонун 8-моддаси биринчи қисмининг 
олтинчи хатбошисига кўра жамият иштирокчилари жамият бошқа 
иштирокчиларининг розилигидан қатъи назар ушбу Қонунда
ва жамиятнинг таъсис ҳужжатларида назарда тутилган тартибда 
исталган вақтда жамиятдан чиқишга ҳақли .

---